QR Bas prokýratýrasy janyndaǵy qoǵamdyq keńesti Q. Sultanov basqarady
ASTANA 18 aqpan. QazAqparat - QR Bas prokýrory Ashat Daýylbaevtyń tóraǵalyǵymen Bas prokýratýra janyndaǵy zańdylyqty qamtamasyz etý jónindegi qoǵamdyq keńestiń jańartylǵan quramynyń otyrysy ótti.
Jıyn barysynda keńes tóraǵasy qyzmetine QR Parlamenti Májilisiniń depýtaty Qýanysh Sultanov saılandy.
A. Daýylbaevtyń atap ótýinshe, keńes qadaǵalaý organdarynyń qyzmetin jetildirýge, azamattardyń quqyqtaryn qorǵaý kepildigin arttyrýǵa, prokýratýra qyzmetine qoǵamdyq baqylaýdy qamtamasyz etýge kómektesetin bolady.
Quqyq qorǵaý júıesine turǵyndardyń senimin kúsheıtý, quqyqtyq memleketti qalyptastyrý jolynda azamattyq qoǵam rólin arttyrý jónindegi ózekti máselelerge jurtshylyq ókilderiniń qatysýy aldaǵy jumystarynyń tıimdi ári jemisti órbýine basty kepil bolmaq.
Aıta keteıik, Memleket basshysynyń tapsyrmasymen qurylǵan qoǵamdyq keńestiń quramyna elimizge belgili azamattar men bedeldi mamandar kirgen.
