QR Bas prokýratýrasy jalǵan «nesıe berýshilerden» saq bolýdy eskertedi
«Keıingi kezderi nesıelerdi jyldam ári ońaı alý jáne ózińizdiń jınaq qoryńyzdy kóbeıtý múmkindikteri týraly elektrondyq hattar, sms-habarlamalar men habarlandyrýlar taratý jaǵdaılary jıilep ketti.
Ádette, alaıaqtar azamattardyń sengishtigin nemese qıyn jaǵdaıǵa tap bolýyn paıdalana otyryp, qarajat máselesin ońaı sheshýge baılanysty yńǵaıly sharttarmen adamdardyń qyzyǵýshylyǵyn oıatady, sonymen qatar nesıe alýǵa qatysty oń sheshim shyǵarý úshin aldyn ala tólem jasaýǵa kóndire bastaıdy. Basqa jaǵdaıda kúdik týdyratyn jobalardy ınvestıtsııalaý arqyly az ýaqyt ishinde paıda tabýǵa ýáde beredi.
Mundaı sıpattaǵy usynystar birden kúdik týdyrýy kerek.
Ózińizdi «jalǵan nesıe berýshilerden» qorǵaý óte jeńil. Nesıe berý qyzmetin kórsetý jáne salymdardy qabyldaýmen aınalysatyn resmı túrde qyzmet etetin ekinshi dárejeli bankter men shaǵyn nesıelik uıymdar tizimimen Qazaqstan Respýblıkasy Ulttyq Bankiniń resmı ınternet-resýrsynda (www.nationalbank.kz), Banktiń Astana, Almaty qalalaryndaǵy jáne barlyq oblystardaǵy bólimshelerinde tanysýǵa bolady.
Qurmetti azamattar, alaıaqtardyń aılasyna túspeý úshin árdaıym qyraǵylyq pen saqtyq tanytyńyzdar.
Esińizde bolsyn, eger ózimizdi aldaýǵa jol bersek, onda alaıaqtyq qarqyndy damı beredi.
Qarapaıym qaýipsizdik erejelerin saqtańyz, olar jaıly óz jaqyndaryńyzǵa aıtyńyz, osylaısha Siz óz kapıtalyńyzdy zańsyz áreketterden qorǵaı alasyz.
Alaıaqtyqqa qatysty barlyq jaǵdaılar týraly dereý quqyq qorǵaý organdaryna habarlańyz», dep jazylǵan Bas prokýratýranyń baspasóz qyzmeti taratqan habarlamada.
