QR Bas prokýratýrasy ustalǵan shekarashyǵa qatysty jaǵdaıǵa resmı túsinik berdi

QazAqparat osyǵan baıanysty birneshe materıal jarııalady.

* * *

07 Maýsym 2012, 15:13

ShUǴYL: V. Chelah óziniń áskerı qyzmettesterin óltirgendigin moıyndady - Bas prokýratýra

ASTANA.  7 maýsym. QazAqparat -  Vladıslav Chelah «Arqankergen» zastavasynda shekarashylar men qoryqshyny óltirgendigin moıyndady.

Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«Advokattyń qatysýymen jaýap alý kezinde V.  Chelah óziniń áskerı qyzmettesterin jáne Rýslan Kımdi óltirgendigin moıyndady. V. Chelahtyń aıtýynsha, qylmysty jasaýǵa ishki qaqtyǵystar jáne túsindirýge jatpaıtyn esiniń buzylýy sebep bolǵan. Qylmysty jasaýǵa kómekteskender men basqa qatysýshylardyń bar bolǵandyǵyn Chelah úzildi-kesildi teriske shyǵarýda», - dedi ol.

Resmı ókildiń atap ótýinshe, Chelahty ustaǵan kezde onda kapıtan Kereevtiń azamattyq kıimi, tapanshasy, noýtbýgi jáne birneshe shekarashynyń uıaly telefondary bolǵan.

07 Maýsym 2012, 15:15

Saraptamanyń nátıjesinde «Arqankergen» shekara beketinde mert bolǵan 14 áskerıdiń 10-ynyń aty-jóni anyqtaldy - Bas prokýratýra

ASTANA.  7 maýsym. QazAqparat -  Saraptamanyń nátıjesinde «Arqankergen» shekara beketinde mert bolǵan 14 áskerıdiń 10-ynyń aty-jóni anyqtaldy. Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«Qazirgi kezde genomdyq saraptamany paıdalana otyryp, 10 áskerıdiń tulǵasy anyqtaldy», - dedi resmı ókil.

Onyń atap ótýinshe, atalǵan fakti boıynsha 30 mamyrda Taldyqorǵan gornızonynyń áskerı prokýratýrasy QR qylmystyq kodeksiniń 96-baby, 2 tarmaǵynyń, a/ tarmaqshasy boıynsha qylmystyq is qozǵaldy. Ol 2 jáne odan da kóp kisini óltirgeni úshin qylmystyq jaýapkershilikti kózdeıdi. Іs arnaıy áskerı prokýror basshylyq etetin vedomstvoaralyq jedel tergeý tobymen tergelýde.

«Órtenip ketken jaılardan beket komandıri Kereevke tıesili 1 makarov tapanshasynan basqa shekarashylardyń qolynda bolǵan barlyq qarý tabyldy», - dedi N. Súıindikov.

07 Maýsym 2012, 15:27

ShUǴYL: Vladıslav Chelah 10 jyldan ómir boıyna deıin bas bostandyǵynan aıyrylýy múmkin - Bas prokýratýra

ASTANA.  7 maýsym. QazAqparat -  «Arqankergen» shekaralyq beketindegi shekarashylardyń ólimine qatysty Vladıslav Chelah 10 jyldan ómir boıyna deıin bas bostandyǵynan aıyrylýy múmkin.

Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

Resmı ókildiń sózine qaraǵanda, V. Chelah óziniń bul áreketin ishki qaqtyǵystarmen jáne túsindirýge jatpaıtyn óziniń áreketimen baılanystyryp otyr.

Aıta keteıik, osy fakti boıynsha 30 mamyrda Taldyqorǵan gornızonynyń áskerı prokýrory qylmystyq kodekstiń 96-baby, 2-tarmaǵynyń, a/ tarmaqshasy boıynsha qylmystyq is qozǵady (2 jáne odan da kóp kisini óltirý).

07 Maýsym 2012, 15:38

ShUǴYL: Vladıslav Chelahtyń tergeý jaýaptarynyń shynaıylyǵy tekserilýde - Bas prokýratýra

ASTANA.  7 maýsym. QazAqparat -  Vladıslav Chelahtyń  tergeý jaýaptarynyń shynaıylyǵy tekserilýde. Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«Qazirgi ýaqytta V. Chelahtyń bergen jaýaptarynyń shynaıylyǵy tekserilýde. Sonymen birge beketke syrttan shabýyl jasaý belgileri tergeýmen anyqtalǵan joq», - dedi resmı ókil.

N. Súıindikovtiń atap ótýinshe, tergeý aıasynda barlyq qajetti saraptamalyq zertteýler júrgizilýde. Onyń ishinde V. Chelahtyń jeke basyna qatysty psıhologııalyq saraptama da bar. «Qazirgi ýaqytta sarapshylar 11 áskerı qyzmetkerdiń aty-jónderin anyqtady. Saraptama shekarashylardyń da, qoryqshynyń da alkogoldik ishimdik ishý faktoryn joqqa shyǵardy.

07 Maýsym 2012, 15:45

ShUǴYL: «Arqankergen» shekaralyq beketindegi baılanystyń bolmaǵanyn jasyrǵan «Sary bókter» zastavasynyń bastyǵy qamaýǵa alyndy

ASTANA.  7 maýsym. QazAqparat -  «Sary bókter» shekaralyq zastavasynyń bastyǵy Alekseı Fomınge qatysty qylmystyq is qozǵaldy.

 Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«A. Fomın bıylǵy mamyrdyń 28-men 30-y aralyǵynda «Arqankergen» shekaralyq beketimen baılanystyń bolmaǵanyn qasaqana jasyrǵany jáne onyń sebepterin anyqtaý men qalpyna keltirý boıynsha shara qoldanbaǵany úshin aıyptalýda», - dep atap ótti resmı ókil.

Onyń sózine qaraǵanda, A. Fomın sot sanktsııasymen qamaýǵa alyndy. «Oqıǵa bolǵan jerge jaqyn aýdandarda tergeý, izdeý sharalary jalǵasýda», - dep atap ótti N. Súıindikov.

07 Maýsym 2012, 15:57

QR Bas prokýratýrasy Vladıslav Chelahtyń aıǵaqtaryna sáıkes kisi óltirý hronologııasyn jarııa etti

ASTANA.  7 maýsym. QazAqparat -  QR Bas prokýratýrasy Vladıslav Chelahtyń aıǵaqtaryna sáıkes kisi óltirý hronologııasyn jarııa etti.

Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«Onyń jaýabyna sáıkes qylmys 2012 jylǵy 28 mamyrda shamamen  tańǵy saǵat 5-ter shamasynda saqshydan basqa barlyq beket shekarashylary uıqyda bolǵan kezde jasalǵan. V. Chelahtyń ózi sol túni kazarma boıynsha kezekshi jáne sáıkesinshe qarý arsenalyna qol jetimdiligi bolǵan», - dedi ol.

Resmı ókildiń alǵa tartqan derekterine sáıkes V. Chelahtyń kisi óltirý hronologııasy kelesideı órbigen. Birinshi bolyp beket aýmaǵynan aldaý arqyly shyǵarylǵan saqshy óltirilgen. Odan keıin V. Chelah kazarmaǵa oralyp, ondaǵy qalǵan qyzmettesterin atyp óltirgen. Olardyń 9-y uıyqtap jatqan. Sońǵy bolyp ańshy úıinde qoryqshy R. Kım óltirilgen.

«V. Chelah qurbandary óltirý kezinde qarýsyz bolǵandaryn atap aıtý qajet», - dedi ol.

Resmı ókildiń aıtýyna qaraǵanda, uıqydan turǵan keıbir shekarashylar V. Chelahtyń qarý baǵyttaǵanyn shynaıy qabyldamaǵan. Shekarashylar óltirilgennen keıin V. Chelah qylmys izderin jasyrý maqsatynda árqıly pozıtsııalardan avtomattan oq atyp, kazarma bólmelerinde oqtardy shashyp, aldyn ala benzın tógip, bekettiń barlyq kazarmalyq jáne sharýashylyq nysandaryn órtep jibergen. Osyndaı tásilmen beket aýmaǵynan tysqary jatqan saqshy máıiti de órtengen. Osynyń bárinen keıin V. Chelah ózimen birge makarov tapanshasyn, azyq-túlik, qyzmettesteriniń birqatar jeke zattaryn alyp, kapıtan Kereevtiń azamattyq kıimin kıip, oqıǵa bolǵan jerden jaıaý boı tasalaǵan.

07 Maýsym 2012, 16:06

«Arqankergen» shekara beketinde jarylǵysh zat paıdalanylǵan joq - QR Bas prokýratýrasy

ASTANA. 7 maýsym. QazAqparat - Saraptama nátıjesine sáıkes «Arqankergen» shekara beketinde jarylǵysh zattyń paıdalanylýy anyqtalǵan joq. Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«Órt-tehnıkalyq saraptamamen jarylys oshaqtary jáne jarylǵysh zattardy paıdalaný faktisi anyqtalǵan joq», - dedi resmı ókil.

Onyń atap ótýinshe, basqa barlyq jaǵdaıdy anyqtaýǵa baǵyttalǵan jedel-tergeý sharalary jalǵasýda.

«Bul oqıǵanyń tergelýi barysyna qatysty basqa aqparattar tergeý múddesin eskere otyryp, qosymsha habarlanatyn bolady», - dedi resmı ókil.

07 Maýsym 2012, 16:16

Vladıslav Chelahtyń ata-anasy jaqyn arada ulymen kezdese alady

ASTANA. 7 maýsym. QazAqparat - Vladıslav Chelahtyń ata-anasy jaqyn arada ulymen kezdese alady. Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«Tergeý  V. Chelahtyń jaqyndarymen kezdesýge kedergiler týyndatyp jatyr degen habarǵa toqtalatyn bolsaq, menińshe, bul másele  kúdiktiniń týysqandary tarapynan quqyq qorǵaý organdary qyzmetkerleriniń sózderi men nusqaýlaryn durys túsinbeýden bolyp otyr», - dedi N. Súıindikov.

 «Eshqandaı da problemalar joq. Onyń jaqyn týysqandary bekitilgen qylmystyq-protsessýaldyq zańnama aıasyndaǵy talaptarǵa sáıkes kezdese alady. Meniń bilýimshe,  tergeý bastamasy boıynsha osyndaı múmkindik qarastyrylýda», - dep túıindedi resmı ókil.

07 Maýsym 2012, 17:07

Saraptama qorytyndysy shyqqannan keıin V. Chelahtyń aıtqan málimetteri tekseriledi

ASTANA. 7 maýsym. QazAqparat - Saraptama qorytyndysy shyqqannan keıin V. Chelahtyń aıtqan málimetteri tekseriledi. Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

Onyń sózine qaraǵanda, Vladıslav Chelah qazirgi kezde Taldyqorǵanda tergelip jatyr. Qazirgi kezde tıisti saraptamalyq  sharalar júrgizilip jatqandyǵyna toqtalǵan resmı ókil, «bizde kúdiktiniń aıtqan málimetteri ǵana bar. Saraptama qorytyndysyn alǵannan keıin biz onyń aıtqandaryn tekseremiz», - dedi.

Resmı ókildiń aıtýynsha, V. Chelah ustalǵannan beri ol bul qylmysqa qatysty áreketterin moıyndap otyr.

«Advokattyń qatysýymen jaýap alý kezinde V.  Chelah óziniń áskerı qyzmettesterin jáne Rýslan Kımdi óltirgendigin moıyndady. V. Chelahtyń aıtýynsha, qylmysty jasaýǵa ishki qaqtyǵystar jáne túsindirýge jatpaıtyn esiniń buzylýy sebep bolǵan. Qylmysty jasaýǵa kómekteskender men basqa qatysýshylardyń bar bolǵandyǵyn Chelah úzildi-kesildi teriske shyǵarýda», - dedi N. Súıindikov.

07 Maýsym 2012, 17:22

«Arqankergen» shekaralyq beketinde qaza bolǵandardan alkogoldik ishimdikter anyqtalmady - Bas prokýratýra

ASTANA. 7 maýsym. QazAqparat - «Arqankergen» shekaralyq beketinde qaza bolǵandardan alkogoldik ishimdikter anyqtalmady. Bul týraly búgin brıfıngte QR Bas prokýratýrasynyń resmı ókili Nurdáýlet Súıindikov málim etti.

«Bireýler qaza bolǵan áskerıler mas kúıde bolǵan deıdi, al keıbireýler olar alkogol emes, basqa zattardy paıdalandy degen qaýesetter taratyp jatyr. Sonymen qatar, búgin «Vremıa» gazetinde qaza bolǵandardyń birinde áıeldiń ish kıimi bolǵan degen aqylǵa qonbaıtyn málimet taratyldy. Bunyń barlyǵy shyndyqqa sáıkes kelmeıdi. Tergeý materıaldarynda bundaı málimetter men aıǵaqtar joq», - dedi resmı ókil.