QR Bas prokýratýrasy turmystyq zorlyq-zombylyqtan zardap shekken áıelderge psıhologııalyq kómek kórsetetin ortalyqtar jelisin qurýdy usynady

ASTANA. 26 sáýir. QazAqparat - QR Bas prokýratýrasy turmystyq zorlyq-zombylyqtan zardap shekken áıelderge psıhologııalyq jáne zańgerlik kómek kórsetetin ortalyqtar jelisin qurýdy usynady. Bul týraly búgin QR Prezıdenti janyndaǵy Áıelder jáne otbasylyq-demografııalyq ister jónindegi ulttyq komıssııa otyrysynda QR Bas prokýrorynyń orynbasary Jaqyp Asanov málim etti.

«Aǵymdaǵy jyldyń aqpan aıynda biz Eńbek jáne halyqty áleýmettik qorǵaý mınıstrligine turmystyq zorlyq-zombylyqtan zardap shekken áıelderge bilikti psıhologııalyq jáne zańgerlik kómek kórsetetin ári olardy odan ári ońaltatyn ortalyqtardyń keń jelisin qurý usynysyn jiberdik», - dedi J.Asanov.