QR Bas prokýratýrasy shetelde sottalǵan Qazaqstan azamattaryna jazasyn Otanynda óteýge usynys jasady
«Aýysý úshin sottalýshynyń ótinish jazýy eń negizgi ólshem bolǵandyqtan, Bas prokýratýra Syrtqy ister mınıstrligine shetelderde jazasyn ótep jatqan azamattarymyzdyń arasynda elimizge aýysyp kelip, jazasyn jalǵastyrý múmkindigi týraly túsindirý jumystaryn júrgizýge usynys bildirdi», - delingen habarlamada.
Buǵan deıin habarlanǵandaı, aǵymdaǵy jyldyń 1 tamyzyndaǵy málimetter boıynsha shetelderde sottalǵan Qazaqstan azamattary 2 myńǵa jýyq. Qadaǵalaýshy vedomstvonyń málimetinshe, sottalǵandardyń deni TMD elderinde. «Degenmen alys shetelderde de jazasyn ótep jatqan otandastarymyzdyń sany birshama: máselen, GFR-da 46 adam, Koreıa Respýblıkasynda 22 adam, QHR-da 16 adam.
Qazaqstan sottalǵandardy qaıtarý týraly ekijaqty kelisimdi Ýkraınamen, Ispanııamen, Qytaımen, Italııamen jáne Vengrııamen jasasqan.
«Sonymen qatar, Germanııa, Úndisten, Iran, Koreıa, Monǵolııa, Sırııa,Taıland, Chehııa, Slovenııa, Slovakııa jáne Saýd Arabııasy elderimen de osyndaı kelisim jasaý máselesi sheshilýde», - delingen habarlamada.
