QR Bas prokýratýrasy saılaý zańnamasyn saqtamaǵan jaǵdaıdaǵy BAQ jaýapkershiligin atady
«Ákimshilik quqyq buzýshylyq týraly» QR Kodeksiniń 11-shi bóliminde saılaý protsesi kezeńinde jasalýy múmkin birqatar zań buzýshylyqtar qarastyrylǵan. Shamamen 15 bap saılaýaldy úgit-nasıhat máselerine, al 112-shi bap buqaralyq aqparat quraldaryna arnalǵan», - dedi semınar barysynda QR Bas prokýratýrasynyń resmı ókili Nurdáýlet Súıindikov.
Onyń atap ótýinshe, atalǵan baptyń birinde kandıdattyń saılaýaldy maqsatyn, mindetteri men nátıjelerin shynaıy kórsetpegeni úshin jaýapkershilik qarastyrylǵan.
Ekinshi bóliminde kandıdattyń abroıyna, iskerligine nusqan keltiretin úgit-nasıhat materıaldaryn jarııalaǵany, sonymen qatar atalǵan tulǵanyń abyroıyna nuqsan keltiretin aqparatty teriske shyǵarý týraly tegin aqparatty jarııalaýdan bas tartqany úshin jaýapkershilik kózdeledi.
«Bul talaptardy buzý ákimshilik quqyq buzýshylyqtyń jeke quramy retinde qarastyrylǵan. Buǵan qosa, kandıdattyń telearnadan jáne radıodan sóz sóıleýinen, sondaı-aq baspa basylymdarynda jarııalanǵannan keıin birden oǵan pikir berý atalǵan baptyń úshinshi bóliginde quqyq buzýshylyqty týyndatady»,- dedi Bas prokýratýra ókili.
Onyń sózine qaraǵanda, barlyq kandıdattarǵa teńdeı efırlik ýaqyt bólý, teń baspa tabaq kóleminde bet berý talaptaryn oryndamaý da zań buzýshylyq bolyp tabylady.
