QR Bas prokýratýrasy ókilettigin asyra paıdalanǵan SQO turǵynyn aqtaǵan appelıatsııalyq sot alqasynyń sheshimine narazylyq bildirdi
ASTANA. 27 qarasha. QazAqparat - Aǵymdaǵy jyldyń 13 qarashasynda Joǵarǵy Sottyń qylmystyq ister jónindegi qadaǵalaý sot alqasy Bas prokýrordyń narazylyǵyn qarady.
QR Bas prokýratýrasynyń baspasóz qyzmeti habarlaǵandaı, qylmystyq qýdalaý organy Soltústik Qazaqstan oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń erekshe tapsyrmalar jónindegi aǵa ınspektory Belenkovty bıligin jáne qyzmettik ókilettigin asyra paıdalanǵany jáne jalǵa alǵan páterde Reseı Federatsııasynyń azamatshasyn onyń erkinen tys zańsyz ustaǵany úshin aıyptaǵan bolatyn.
Petropavl qalalyq sotynyń 2012 jylǵy 27 naýryzdaǵy úkimimen N.Belenkov QK 308-babynyń 2-bóligi boıynsha 2 jyl synaq merzimimen 2 jylǵa shartty túrde sottalǵan.
Biraq Soltústik Qazaqstan oblystyq sotynyń apellıatsııalyq sot alqasy 2012 jylǵy 26 maýsymda sottalǵan azamattyń qylmys jasaýǵa qatysýy dáleldenbegendikten aqtalǵan jáne bul kassatsııalyq satyda ózgerissiz qaldyrylǵan.
Joǵarǵy Sottyń qylmystyq ister boıynsha qadaǵalaý sot alqasynyń qaýlysymen aǵymdaǵy jyldyń 13 qarashasynda Bas Prokýrordyń narazylyǵyn qanaǵattandyrdy. Birinshi satydaǵy sot úkimi kúshinde qaldyryldy. N.Belenkov 2 jyl synaq merzimimen 2 jylǵa shartty túrde sottaldy. «Qazaqstan Respýblıkasy memlekettik táýelsizdiginiń jıyrma jyldyǵyna baılanysty raqymshylyq jasaý týraly» zańnyń negizinde belgilengen jazany óteýden bosatyldy.
