QR Bas prokýratýrasy kásipkerlerdi quqyqtyq qorǵaý jóninde birneshe jobany qolǵa alýda
«Qazir prokýratýranyń bastamasymen kásipkerlerdi quqyqtyq qorǵaý jónindegi birneshe jobalar qolǵa alynýda. Al olardyń barlyǵy úsh topqa bólýge bolady dep esepteımiz», - dedi ol.
Onyń atap ótýinshe, birinshisi - zańsyz tekserýlerdi boldyrmaý. Kásipkerlerdi zańsyz tekserýlerden qorǵaý úshin 2009 jyldan beri árbir oblystyq, qalalyq, aýdandyq prokýratýra janynda utqyr toptar qurylǵan. Olar zańsyz tekserý týraly dabyl túsken jaǵdaıda tez arada kásipkerge baryp, jaǵdaıdy anyqtap, tıisti sharalar qabyldaıdy. Ústimizdegi jyly utqyr toptarǵa 758 habarlama túsken. Olardyń jartysyna jýyǵy zańsyz ekendigi dáleldengen. Nátıjesinde 4 qylmystyq is jáne 32 ákimshilik quqyq buzýshylyq týraly is qozǵalǵan. 140 laýazymdy tulǵa jaýapkershilikke tartylǵan.
«Sonymen birge 2011 jyldan bastap kásipkerlerdiń quqyǵyn qorǵaý úshin bıznes tiregi degen arnaıy baǵdarlama iske asyp jatyr. Ol boıynsha kez kelgen kásipker 115 nómirine telefon shalyp, taǵaıyndalǵan tekserý týraly aqparat ala alady. Mundaı aqparattyń onlaın rejimde de ınternet nemese uıaly baılanys arqyly alýǵa bolady», - dedi J.Asanov.
