QR Bas prokýratýrasy ǵalamtorda tarap ketken kelin urlaý týraly beınerolıkke qatysty túsinikteme berdi
«Atalǵan beınerolıkte kórsetilgen oqıǵalar tekserildi. Jas jubaılardyń kim ekenderi anyqtaldy. Erli-zaıyptylardyń túsindirýi boıynsha, olar aǵymdaǵy jylǵy tamyzdyń basynan beri azamattyq nekede turady, buǵan deıin bir jylǵa jýyq dos bolǵan jáne januıa qurýdy josparlaǵan», - delingen habarlamada.
Bul rette, jubaıy kúıeýiniń úıine óz erkimen kelgenin, al beınerolıktegi eriksiz kóndirý kórinisterin mundaı jaǵdaılarda qyzdyń aryn saqtaýmen baılanysty dástúrdi kórsetýge talpynýlarymen túsindirdi.
Keltirilgen jaǵdaılarǵa baılanysty joǵaryda kórsetilgen rolık boıynsha quqyq qorǵaý organdary quqyqtyq yqpal etý sharalaryn qoldanǵan joq.
Aıta keteıik, zańǵa sáıkes, adam urlaý múlkin tárkilep, 15 jylǵa deıin bas bostandyǵynan aıyrý túrindegi jaýapkershilikke ákelip soǵatyn qylmystyq jazalaý áreketiniń quramyn quraıdy. Osyndaı qylmystyń jasalǵany týraly málimetter kelip túskende quqyq qorǵaý organdary kináli tulǵalardy áshkereleý jáne olardy jaýapkershilikke tartý boıynsha jan-jaqty sharalar qoldanady.
