QR Bas prokýratýrasy elimizdiń qaı óńirine kólik apaty jıi bolatynyn málimdedi

ASTANA. QazAqparat - Qazaqstan Respýblıkasy Bas prokýratýrasy Quqyqtyq statıtıska jáne arnaıy esepke alý jónindegi komıtetiniń málimetterine sáıkes, respýblıka boıynsha 2016 jyldyń 3 aıynda 3570 jol-kólik oqıǵasy bolsa, sonyń 30 paıyzy Almaty qalasynda oryn alyp otyr.

2016 jyly bul aımaqta adamdardyń dene jaraqatyna jáne kisi ólimine alyp kelgen 1153 JKO tirkelgen.

Apat az bolatyn óńir Soltústik Qazaqstan oblysy bolyp otyr, onda osy kezeńde 34 JKO oryn alǵan.

JKO faktileriniń azaıýy Atyraý (90/56), Qostanaı (102/81) jáne  Qyzylorda  (77/65) oblystarynda baıqalady.

Apattan jaraqat alýshylar sanynyń ósýi osy jyly Aqtóbe (123/146) jáne Jambyl (241/268) oblystarynda baıqalady.

Jambyl (461/422) jáne Batys Qazaqstan (137/117)  oblystarynda  jol-kólik oqıǵalary sanynyń artýyna baılanysty onda jaraqat alǵandardyń sany óskendigi baıqalady.