QR Bas prokýratýrasy: Bıýdjetke 92 mlrd. somasyndaǵy shyǵyn óteldi

ASTANA. QazAqparat - QR Bas prokýratýrasy memlekettiń materıaldyq múddelerin qorǵaý máseleleri boıynsha qadaǵalaý sharalaryn kúsheıtti.

«Bıýdjetke 92 mlrd. somasyndaǵy shyǵyn óteldi. Sonymen qatar, memleketke jalpy somasy 45 mlrd. teńge bolatyn múlik qaıtaryldy.
19 mlrd.-qa jýyq teńge somasyna zalaldyń óndirilýin qamtamasyz etken Bas kólik prokýratýrasy jumysynyń oń nátıjelerin atap ótý kerek»,- delingen atalǵan vedomstvo taratqan aqparatta.
Sonymen qatar, memlekettik satyp alýlar salasynda aldyn alý jumystary júrgizilgen. 6 myńnan astam buzýshylyqtar anyqtalyp, eki jarym myńnan astam laýazymdy tulǵa ártúrli jaýapkershilikke tartylǵan. Nátıjesinde, prokýrorlar memleketke keletin 32 mlrd-tan astam teńge zalaldyń aldyn alǵan.