QR Bas prokýratýrasy azamattardan óz týystary men jaqyndaryn radıkaldy qurylymdar qataryna iligýden saqtaýǵa shaqyrady
TANA. 9 qarasha. QazAqparat - QR Bas prokýratýrasy azamattardan óz týystary men jaqyndaryn radıkaldy qurylymdar qataryna iligýden saqtaýǵa shaqyrady. Bul týraly búgin Bas prokýratýranyń resmı ókili Nurdáýlet Súıindikov málim etti.
Atyraýdaǵy jarylystardyń tolyq mán-jaıyn baıandaı kelip resmı ókil: «Bas prokýratýra eldegi jaǵdaı quqyq qorǵaý organdarynyń tolyq baqylaýynda ekendigin, mundaı keleńsiz jáıtterdiń keleshekte de joly kesilip, kináli tulǵalar sot aldynda bizdiń zańdarymyzǵa sáıkes jazaǵa tartylatyndyqtaryn málimdeıdi. Munymen birge, jastardyń Islamnyń negizderin durys túsinbeı, bizdiń halqymyzǵa jat ıdeologııaly dinı aǵymdarǵa ilesý saldary osyndaı qaıǵyly jaǵdaılarǵa dýshar etetindigin atap ótkimiz keledi. Osyǵan baılanysty azamattarymyzdy qyraǵylyq tanytyp, úreıge jáne mundaı arandatýlarǵa boı aldyrmaýǵa, onyń ishinde óz týystary men jaqyndaryn radıkaldy qurylymdar qataryna ilesýinen saqtaýǵa shaqyramyz», - dedi.
