QR Bas prokýratýrasy Astananyń eń qaýipti jerlerin atady
Qazaqstanda «Qylmystyq karta» ınternet-portaly arqyly Astananyń ǵana emes, kez kelgen óńirdiń qylmystyq ahýaly týraly bilip otyrýǵa bolady.
Bul týraly búgin Ortalyq kommýnıkatsııalar qyzmetinde QR Bas prokýratýrasynyń quqyqtyq statıstıka jáne arnaıy esep komıtetiniń tóraǵasy Sáýle Aıtpaeva málim etti.
«Qylmystyq kartada» qylmystyq ahýaly ýshyqqan jerler qyzylmen belgilenedi, sodan keıin sarǵylt, sary jáne jasyl túster ketedi. Máselen, Astanany qaraıtyn bolsaq, qylmysy kóp aýdan retinde temirjol vokzaly mańy kórsetilgen», - dep atap ótti S. Aıtpaeva.
Qazirgi ýaqyttta atalmysh portal QR Bas prokýratýrasynyń quqyqtyq statıstıka jáne arnaıy esep komıtetiniń saıtynda ornalasqan. Jobany tolyq iske asyrý maqsatynda 8 monoqalalar men 250 aýdandyq ortalyqtar kirgizilmek. Kartaǵa barlyq iri eldi mekender enetin bolady.
«Kórip otyrǵanymyzdaı osy aýdanda urlyq, tonaý, buzaqylyq sany kóbirek. Árbir faktini jeke-jeke taldap qaraı alamyz», - dep naqtylady S.Aıtpaeva.
