QR Bas prokýratýrasy AQSh-ta sottalǵan D.Qadyrbaev pen Á.Ábdiǵapparovany elge qaıtarý bastamasyn kóterdi
"2015 jyldyń 6 jeltoqsanynan Qazaqstan Respýblıkasy Amerıka Qurama Shtattary tárizdi Qylmystyq jazany shetelde óteý týraly
amerıkaaralyq konventsııanyń (Managýa q., 1993 jylǵy 9 maýsym) qatysýshysy bolyp tabylady. Osyǵan baılanysty AQSh-tyń ýákiletti organynyń aldyna D.Qadyrbaev pen A. Ábdiǵapparovany Qazaqstanǵa berý(tapsyrý) týraly másele (sottalǵandardyń jaqyn týystarynan túsken ótinishteri negizinde) qoıylǵan", - dedi ol.
Amerıka Qurama Shtattarynyń Massachýsets shtatynyń Federaldyq sotynyń 2015 jylǵy maýsymdaǵy sheshimimen Dıas Qadyrbaev AQSh Zańdary kodeksiniń 18-taraýynyń 371§ (Qurama Shtattaryn aldaýǵa nemese qarsy qylmys jasaýǵa baǵyttalǵan sóz baılasý), 1519§ (federaldyq tergeýdegi jazbalardy joıý men falsıfıkatsııa) boıynsha kináli dep tanylyp, oǵan 72 aı merziminde túrmege qamaý jáne ortasha ustaý obektisinde jazasyn óteý túrinde jaza taǵaıyndalǵan. Osy sheshimmen Qadyrbaevqa 200 myń AQSh dollary kóleminde aıyppul salynǵan.
"Ásel Ábdiǵapbarova kisi óltirýge qatysqany úshin Tehas shtatynda 28 jylǵa túrmege qamaý túrindegi jazasyn óteýde. Qazirgi ýaqytta bul usynystar amerıkalyq taraptyń qaraýynda jatyr jáne onyń jaýaby osy ýaqytqa deıin túsken joq. Sonymen qatar Boston teraktisi boıynsha sottalǵan Azamat Tajaıaqov nemese onyń týysqandary Qazaqstanǵa aýystyrý jóninde aryzben júginbegen. A.Tajaıaqovty aýystyrý týraly sáıkesinshe ótinish kelip túskende bul másele halyqaralyq jáne Qazaqstan Respýblıkasynyń ulttyq zańnamasyna sáıkes qarastyrylatyn bolady",- dedi I.Merkel.
