Bas prokýratýra burynǵy Іshki ister mınıstri Erlan Turǵymbaevtyń ustalǵanyn rastady
ASTANA. KAZINFORM – Prokýratýra Qazaqstannyń burynǵy Іshki ister mınıstri Erlan Turǵymbaevtyń ustalǵanyn rastady.
QR Bas prokýratýrasy baspasóz qyzmetiniń habarlaýynsha, Qazaqstan Respýblıkasynyń Bas prokýratýrasy 2022 jylǵy qańtardaǵy oqıǵalarǵa baılanysty qylmystyq isterdi tergeýdi jalǵastyrýda.
«Bıylǵy 29 sáýirde aýyr zardaptarǵa ákep soqqan bılik pen laýazymdy ókilettikterdi asyra paıdalanǵany úshin (QK-niń 362-baby 4-bóligi) Qazaqstan Respýblıkasynyń Qylmystyq is júrgizý kodeksiniń 128-baby tártibinde ishki ister eks-mınıstri E.Z. Turǵymbaev ustaldy. Qylmystyq iste memlekettik qupııalardy quraıtyn málimetterdiń bolýyna baılanysty sotqa deıingi tergep-tekserýdiń basqa derekteri jarııa etýge jatpaıdy», - delingen habarlamada.
Sonaı-aq onda memlekettik qupııalardy quraıtyn sotqa deıingi tergep-tekserý derekterin jarııa etýge jol bermeý QR QІJK-niń 47 jáne 201-baptarynyń talaptarymen reglamenttelgeni aıtylǵan.
