QR Bas prokýratýra alqasynyń kezekti májilisi bolyp ótti

Onda qosymsha qun salyǵyn (QQS) qaıtarýǵa qatysty salyq daýlaryna baılanysty, sondaı-aq aldyn-ala qamaý oryndaryndaǵy adamdardy azaptaý jáne olarǵa qatygezdikpen qaraýdyń basqa da túrlerin qoldanýǵa qarsy áreket etýge qatysty máseleler talqylandy, dep habarlady vedomstvonyń baspasóz qyzmeti.

Nóldik stavka boıynsha salyq salynatyn aınalymdar boıynsha QQS somasyn memlekettiń qaıtarý rásimi salyqtyń qaıtarylatyn somasynyń paıdalanylatyn taýarlardyń, jumystardyń jáne qyzmet kórsetýlerdiń aınalymy protsesinde bıýdjetke aldyn-ala tólenip qoıǵanyn bildiredi. Biraq josyqsyz salyq tóleýshiler salyqtan jaltarýdyń kúrdeli shemalaryn paıdalana otyryp, bıýdjetke naqty tólenbegen QQS-tyń edáýir somasyn zańdy túrde qaıtarýdy usynady.

Oryn alyp otyrǵan daýlar memlekettiń múddesine edáýir áser etedi, óıtkeni josyqsyz salyq tóleýshilerdiń jáne eksporttaýshylardyń talaptaryn qanaǵattandyrǵan jaǵdaıda bıýdjet aıtarlyqtaı zııan shegedi.

Bas prokýror atap ótkendeı, salyq tekserýleriniń nátıjeleri boıynsha kásipkerdiń kinási retinde kóptegen buzýshylyqtar taǵatyn ýákiletti jáne quqyq qorǵaý organdary salyq tóleýshiniń «kinálilik prezýmptsııasy» tárizdi jónsiz tájirıbeden bas tartýlary qajet. Mundaı jaǵdaı bıznesti júrgizýdegi kedergilerdi joıý jónindegi Memleket basshysynyń saıasatyna qaıshy keledi jáne sybaılas jemqorlyq quqyq buzýshylyqtaryn jasaýǵa yńǵaıly jaǵdaı qalyptastyrady.

Іskerlerdiń quqyqtaryn shekteý faktilerin joıý maqsatynda salyq qyzmeti jáne qarjy polıtsııasy organdary bıznes qurylymdarymen tyǵyz jáne tıimdi ózara is-qımyl ornatýlary kerek. Osyndaı ózara is-qımyl bir mezette kásipkerlerdiń quqyqtaryn jáne memlekettiń múddelerin qorǵaýdy qamtamasyz ete alady.

Osyǵan baılanysty Bas Prokýror salyq organdaryna bul máselege kózqarasty túbegeıli túrde qaıta qaraýdy, adal salyq tóleýshilerdiń quqyqtaryn buzý faktilerin boldyrmaýdy tapsyrdy. Qarjy mınıstrligine naqty eksporttaýshylardy yntalandyratyn, memlekettik bıýdjetten QQS qaıtarýdyń jańa pármendi tetigin ázirleýdi usyndy.

Prokýratýra organdary jergilikti jerlerde bıznes ókilderiniń quqyqtaryn jáne memleket múddelerin buzýdy boldyrmaı, salyq tóleý salasynda zańdylyqtyń buzylýyn anyqtaý jáne olardyń bastapqy kezeńinde jolyn kesý úshin túbegeıli sharalar qabyldaı otyryp ózderiniń quqyq qorǵaýshylyq fýnktsııalaryn júzege asyrýlary tıis.

Alqa májilisiniń kún tártibindegi ekinshi suraqty talqylaý barysynda azaptaýlarǵa qarsy turý baǵytynda Qazaqstanda sońǵy jyldary kóp jumystar jasalǵany jáne azaptaýlarmen kúres salasynda júıeli sharalar qabyldanǵany atap ótildi. Quqyqtyq júıeni reformalaý, qylmystyq zańnamany izgilendirý boıynsha úlken jumystar atqaryldy. BUU Komıtetiniń sáıkes usynystaryn júzege asyrý jónindegi Úkimettiń is-sharalar jospary tıisinshe oryndalýda. Ulttyq zańnamalar halyqaralyq standarttarǵa sáıkestendirildi. Bas prokýratýrada bas bostandyǵynan aıyrý men ýaqytsha ustaý oryndarynyń zańdylyǵyn qadaǵalaý jónindegi arnaıy departament quryldy. Bas prokýror mamandandyrylǵan mekemelerde ustalatyndarǵa qatysty qatigezdikpen baılanysty qınaý jáne ózge de zańsyz ádister týraly aryzdar men ótinishterdi tekserý týraly arnaıy nusqaýlyqty bekitti.

Bas prokýror búgingi tańda mundaı qylmystardyń profılaktıkasyn júrgizý jáne aldyn alý qajettiligi, is júrgizýshilik ustaýdy rásimdeý protsedýrasyn jetildirý jáne ustalǵandardyń quqyqtaryn paıdalanýdy júzege asyrý, ýákiletti qoǵamdyq uıymdarmen yqpaldastyq ornatýdyń kún tirtibine shyǵarýdyń qajettiligin atap kórsetti.

A.Daýylbaev osy saladaǵy quqyq qorǵaý organdarynyń jumys nátıjeligi anyqtalǵan azaptaý faktileriniń sany boıynsha emes, al táýelsiz qoǵamdyq jáne halyqaralyq uıymdardyń resmı baıandamalaryndaǵy qatigez qarym-qatynasqa qatysty ótinishterdiń shynaıy azaıýymen baǵalanatynyna erekshe nazar aýdardy.

Talqylaý qorytyndysy boıynsha alqa Ádilet mınıstrligine zańnamalarǵa ózgerister engizý týraly máselege, atap aıtqanda, tergeý ızolıatorlary janynan sottalǵandardy ýaqytsha ustaýǵa arnalǵan tasymaldaý-aýdarý beketterin qurýǵa bastamashy bolýdy usyndy.

Іshki ister mınıstrligine azaptaýlardy qoldaný faktileri úshin anyqtaý jáne tergeý organdary laýazymdy tulǵalarynyń derbes jaýapkershilikterin arttyrý qajettigi kórsetildi, sondaı-aq ustalǵandardy qyzmettik bólmelerge jetkizý protsesin beınejazbaǵa túsirýdi qamtamasyz etý usynyldy.

Bas Prokýror óńirlik prokýrorlarǵa qadaǵalaý organdarynyń quqyq qorǵaýshylyq áleýetiniń tolyqtaı júzege asyrylýyn qamtamasyz etýdi, aldyn-ala ustaý oryndarynda azaptaýlardy qoldaný máseleleri boıynsha barlyq shaǵymdardy qaraýdy jeke baqylaýǵa alýdy, kináli adamdardy zańmen belgilengen jaýapkershilikke tartýdy tapsyrdy.