QR Bas prokratýrasy saılaý barysynda zańdylyqty buljytpaı saqtaýǵa shaqyrady

QazAqparat oqyrmandar nazaryna Úndeýdiń tolyq mátinin usynady.

Qazaqstan Respýblıkasy Bas prokýratýrasynyń úndeýi

Qazaqstan Respýblıkasy Prezıdentiniń 2011 jylǵy 4 aqpandaǵy №1149 Jarlyǵymen Qazaqstan Respýblıkasy Prezıdentiniń kezekten tys saılaýy 2011 jyldyń 3 sáýirine taǵaıyndaldy.

Qazaqstan Respýblıkasy Ortalyq saılaý komıs­sııa­synyń 2011 jylǵy 4 aqpandaǵy № 16/22 qaýly­sy­men Qazaqstan Respýblıkasy Prezıdentiniń kezekten tys saılaýyn ázirleý men ótkizý jónindegi negizgi is-sharalardyń kúntizbelik jospary bekitildi.

Qazaqstan Respýblıkasynyń Ortalyq saılaý komıssııasy Qazaqstan Respýblıkasynyń Prezıdenttigine kandıdattardy tirkeýdi aıaqtady.

«Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańy­nyń (ári qaraı - Konstıtýtsııalyq zań) 27-babynyń 2-tarmaǵyna sáıkes 2011 jyldyń 3 naýryzy men 1 sáýiri aralyǵynda Qazaqstan Respýblıkasynyń Prezıdenttigine kandıdattar saılaý aldyndaǵy úgit júrgizýdi júzege asyrady. Bul rette saılaý al­dyn­daǵy úgit - saılaýshylardyń belgili bir kan­dı­datty jaqtap nemese qarsy daýys berýge qatysýyna túrtki bolý maqsatyndaǵy qyzmet (Konstıtýtsııalyq zańnyń 27-babynyń 1-tarmaǵy).

Konstıtýtsııalyq zańnyń 27-babynyń 3-tar­ma­ǵy­na saı saılaý aldyndaǵy úgit baspa, dybys-beıne jáne ózge de úgit materıaldaryn shyǵarý jáne (nemese) taratý jolymen buqaralyq aqparat quraldary arqyly júzege asyryla alady. Sondaı-aq, saılaý aldyndaǵy úgit zańnamamen belgilengen tártipte jáne Konstıtýtsııalyq zańda tyıym salynbaǵan jarııa is-sharalar arqyly (jınalystar jáne saı­laý­shy­larmen kezdesýlerdi, jarııa pikirtalastar men pikir alysýlardy, mıtıngilerdi, sherýlerdi, demon­stra­tsııalardy jáne basqa jarııa is-sharalardy) júzege asyrylýy múmkin.

Beıbit jınalystar, mıtıngiler, sherýler men demonstratsııalar uıymdastyrý men ótkizý tártibi «Qazaqstan Respýblıkasynda beıbit jınalystar, mı­tıngiler, sherýler, pıketter jáne demonstratsııalar uıymdastyrý men ótkizý tártibi týraly» Qazaq­stan Respýblıkasynyń Zańymen retteledi.

Atalǵan zańǵa sáıkes Konstıtýtsııalyq zańnyń 27-babynyń 3-tarmaǵynyń 2-tarmaqshasynda kórse­til­gen jabyq emes oryndarda ótkiziletin saılaý al­dyndaǵy jarııa is-sharalar jergilikti atqarýshy or­gandaryn aldyn ala eskertý jáne olardyń ruqsatyn alý arqyly arnaıy bólingen oryndarda qoǵamdyq tártip pen halyqtyń tirshiligin qamtamasyz etý nysan­darynyń qalypty jumysyn buzýdy boldyr­maý­ǵa baǵyttalǵan sharalardy qoldana otyryp, jú­zege asyrylýy tıis.

Konstıtýtsııalyq zańnyń 27-babynyń 9-tarma­ǵy­na sáıkes saılaý aldyndaǵy úgitti júrgizý kezeńinde saılaý aldyndaǵy jónsiz úgitti júrgizýge tyıym sa­lynatynyn atap kórsetemiz.

Saılaý naýqany úshin arnaıy ázirlengen baspa materıaldaryn, sonyń ishinde, bezendirilgen mate­rıaldardy, sondaı-aq omyraýǵa taǵatyn belgilerdi, ja­laýlardy, jalaýshalardy tegin taratýdy qos­pa­ǵan­da, saılaýshylarǵa tegin nemese jeńildik shart­ta­ry­men taýarlar, baǵaly qaǵazdar berip, qyzmetter kór­setý, sondaı-aq lotereıalar, qaıyrymdylyq aktsııala­ryn ótkizý, aqsha tóleý ne osyndaılarǵa ýáde berý arqyly saılaý aldyndaǵy úgitti júrgizý saılaý aldyndaǵy jónsiz úgit bolyp sanalady.

Saılaý jarııalanǵan (taǵaıyndalǵan) kezden bastap, kandıdattarǵa, sondaı-aq olardyń atynan nemese olardy qoldap kez kelgen jeke jáne zańdy tulǵalarǵa, oıyn-saýyq jáne sport­tyq is-shara­laryn uıymdastyrýdy qospaǵanda, qaıyrym­dy­lyq is-sharalaryn ótkizýge tyıym salynady.

Konstıtýtsııalyq zańǵa jáne «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» Qazaqstan Respýblıkasynyń Zańyna (9-bap) sáıkes saılaý aldyndaǵy úgitti nemese jarııa is-sharalardyń sharttaryn buzý kináli adamdardy zańda belgilengen jaýapkershilikke tartýǵa ákep soǵady.

Joǵaryda kórsetilgen zańnama nor­malaryn túsindire otyryp, Bas prokýratýra barlyq azamattardy, zańdy tulǵalar men buqaralyq aqparat quraldaryn saılaý protsesi barysynda, sonyń ishinde, saılaý al­dyndaǵy úgitti nemese jarııa is-sharalardy zańsyz júzege asyrýǵa jol bermeý tur­ǵysynda zańdylyqty buljytpaı saqtaýǵa sha­qyrady.