QR Bas múftıi qazaqstandyqtardy sabyrlylyqqa shaqyrdy
ASTANA. 20 jeltoqsan. QazAqparat - QR Bas múftıi, sheıh Ábsattar qajy Derbisáli Mańǵystaý oblysynyń Jańaózen qalasyndaǵy oqıǵalarǵa baılanysty qazaqstandyqtarǵa resmı úndeý joldady. Onyń Joldaýy Almaty qalasy Ortalyq meshitiniń www.meshet.kz saıtynda ornalastyrǵan.
Qurmetti qazaqstandyqtar, jańaózendik baýyrlar!
Jańaózen qalasynda bolǵan bul qaıǵyly oqıǵany jumys saparynda júrip estip, qaıtyp oralýǵa asyqtym.
Ótken jyly men Aqtaý qalasynda halqymyzdy tynyshtyqqa, aǵaıyngershilikke jáne sabyrǵa shaqyryp, adamgershil ıdeıany ýaǵyzdaǵan uly Beket-atanyń 260 jyldyǵyn merekeleýge baılanysty jumys saparynda bolǵan edim.
Qasıetti Quranda «Allah shynynda da sabyrlylarmen birge» dep jazylǵan. Qandaı qıynshylyq, kúrdeli jaǵdaı bolsa da, birlese otyryp sheshý qajet. Óıtkeni bizdiń úıimizde tynyshtyq pen kelisim boǵanda ǵana biz tabysqa jetemiz, oǵan kúmán joq.
Men Jaratqanǵa jalbarynyp, barlyq qazaqstandyqtardy, ásirese mańǵystaýlyqtardy sabyrlylyqqa jáne tártip saqtaýǵa shaqyramyn, óıtkeni qazaq halqy qashan da - dana halyq, tózimdi halyq.
Men Jaratqannan bizdiń halqymyzǵa, bizdiń elimizge meıirimińdi tóge kór dep jalbarynam! Allahtyń meıirimi sheksiz.
