QR Bas múftıi dinı fanatızmnen aýlaq bolýǵa shaqyrdy
AQTÓBE. QazAqparat - Búgin «Nur Ǵasyr» meshitinde «Nur Otan» partııasy Tóraǵasynyń birinshi orynbasary Muhtar Qul-Muhammed Aqtóbe oblysynyń ımamdarymen kezdesti. Kezdesýge oblys ákimi Berdibek Saparbaev jáne Bas múftı Erjan qajy Malǵajyuly qatysty.
Bas múftı jınalǵandardy týǵan uly ata-anasyn kápir dep olardan bas tartatyn dinı fanatızmnen aýlaq bolýǵa shaqyrdy.
- Eger musylman ózgeni qasaqana óltirse, onyń orny - máńgilik tozaq bolmaq. Bizdiń zamanda áreketin dinmen búrkelegisi keletin adamdar bar. Degenmen olardyń dinge degen esh qatysy joq. Dinde dinı fanatızmnen saqtaný kerek. O dúnıeniń qamymen qatar, osy dúnıeniń jaıyn da oılaý kerek, - dep atap ótti Erjan qajy Malǵajyuly.
