QR Bas memlekettik sanıtarlyq dárigeri «Fonterra» kompanııasynyń tamaq ónimderin ákelýge jáne aınalymyna tyıym saldy
ASTANA. 12 tamyz. QazAqparat - «Fonterra» kompanııasy óndirisiniń tamaq ónimderiniń, atap aıtqanda balalarǵa arnalǵan sút qospalarynyń, sporttyq proteın qospalarynyń jáne basqa da sýsyndardyń bakterıologııalyq lastanýymen baılanysty jaǵdaıdy rastaý týraly Jańa Zelandııanyń Alǵashqy salalar mınıstrliginiń resmı aqparaty jáne sút sarysýynyń kontsentratynda botýlızm ýyty bar sáıkes emes ónimderdi keri qaıtarý boıynsha olardyń qabyldaıtyn sharalary negizinde Qazaqstan Respýblıkasynyń Bas memlekettik sanıtarlyq dárigeri «Fonterra» (Jańa Zelandııa) kompanııasy óndirisiniń tamaq ónimderin ákelýge jáne aınalymyna tyıym salý týraly qaýly qabyldady.
Bul týraly QR Densaýlyq saqtaý mınıstrliginiń baspasóz qyzmetinen habarlady.
Memlekettik sanıtarlyq-epıdemıologııalyq qadaǵalaý komıtetiniń aýmaqtyq bólimshelerine joǵaryda atalǵan tamaq ónimderin aınalymnan alyp tastaý jáne odan ári kádege jaratý arqyly baqylaýdaǵy kóterme jáne bólshek azyq-túlik saýdasy nysandaryna jospardan tys tekserý júrgizý boıynsha, ónim satylýy múmkin dárihana jelilerine, aınalymmen aınalysatyn kásiporyn sýbektilerine satýǵa tyıym salý týraly habarlaý boıynsha, sondaı-aq joǵaryda atalǵan kompanııanyń balalarǵa arnalǵan sút qospalaryn satyp alýǵa jáne balalardy olarmen tamaqtandyrýǵa tyıym salý týraly buqaralyq aqparat quraldary arqyly turǵyndarǵa habarlaý boıynsha tapsyrma berildi.
