QR Bas áskerı prokýratýrasy V.Chelahtyń óz jaýaptarynan bas tartýyna baılanysty pikir bildirdi

«Saraptama nátıjesi bizdiń tergeýshilerdiń qolyna túskennen keıin qoǵam nazaryna jetkizetin bolamyz. Bergen jaýabynan bas tartý - bul aıyptalýshynyń protsessýaldy quqyǵy ári onyń qorǵaný tásilderiniń biri. Qylmystyq-protsessýaldyq kodekstiń 23 babyndaǵy erejege sáıkes qylmystyq sot óndirisi taraptardyń, ıaǵnı aıyptaý men qorǵaýdyń  jaryssózi men teń quqylyǵy ustanymy negizinde júzege asyrylady. Kúdikti jáne aıyptalýshy óziniń kináli ekendigin erkin joqqa shyǵarýǵa nemese ózin kinásiz sanaýǵa múmkinshiligi bar. Vladıslav Chelahtyń isi boıynsha tergeý zańǵa sáıkes qatań júrgizilýde. Tergeý amaldary jalǵasýda», - dedi QR Bas áskerı prokýratýrasynyń baspasóz hatshysy Akbar Ábdildın QazAqparat tilshisine.