QR Bas áskerı prokýratýrasy: Qyzmettesterine álimjettik jasaǵan áskerılerdi qamaýǵa alýǵa sanktsııa berildi
ASTANA. 26 maýsym. QazAqparat - Buǵan deıin habarlanǵandaı, 2012 jyldyń 20 maýsymynda Óskemen áskerı-tergeý basqarmasymen Qazaqstan Respýblıkasy Qylmystyq-protsessýaldyq kodeksiniń 132 babynyń tártibine sáıkes, kelisimshart boıynsha qyzmet etetin áskerıler men 2017 áskerı bólimi «Tersaıryq» shekara zastavasynyń bastyǵy ustaldy.
2012 jyldyń 22 maýsymynda ustalǵan azamattarǵa QR QK-niń 380-1 baby, 2 bóliminiń «a», «v» tarmaqtarymen qarastyrylǵan qylmystardy jasaýda aıyptar taǵyldy, dep habarlady QR Bas áskerı prokýratýranyń baspasóz qyzmetinen.
Sol kúni Óskemenniń áskerı prokýratýrasyna aıyptalýshylarǵa qatysty qamaýǵa alý túrindegi bultartpaý sharasyn sanktsııalaý týraly qaýly joldandy. Ony garnızonnyń áskerı prokýrory qoldady.
Kelesi kúni Óskemen garnızonynyń áskerı soty aıyptalýshylarǵa qatysty 2 (eki) aıǵa qamaýǵa alý túrindegi bultartpaý sharasyn sanktsııalady.
Tergeý amaldary jalǵasýda.
