QR Bala quqyqtary jónindegi ýákil tońazytqyshtan tabylǵan búldirshinderge qatysty pikir bildirdi
ASTANA. QazAqparat - Búgin Astanada Májilis depýtaty, Qazaqstandaǵy bala quqyqtary jónindegi ýákil Zaǵıpa Balıeva Almatyda tońazytqyshtan tabylǵan egizderdiń isine qatysty pikir bildirdi, dep habarlaıdy QazAqparat.
«Búgin qaralyp jatqan taqyryp óte ózekti jáne osy baǵytta bólek baıandamanyń ázirlenýi qýantady. Elimizdegi eńbek mıgranttarynyń arasynda balalaryn ertip keletinder de bar. Sondyqtan bizge búldirshinderdiń quqyqtaryn qorǵaý kerek, Qazaqstan úshin bóten bala degen uǵym joq. Osy oraıda búgingi jıynǵa sheteldik elshilikterdiń korpýsynyń qatysýyn paıdalana otyryp, birqatar máselege nazar aýdarǵym keledi. Balalarǵa qatysty másele týyndaǵanda, onyń ishinde mıgranttardyń balalaryna qatysty bolsa, barshamyzǵa muqııat bolǵan jón»,-dep toqtaldy Z. Balıeva QR Prezıdenti janyndaǵy Adam quqyqtary jónindegi komıssııanyń «Qazaqstandaǵy eńbekshi-mıgranttardyń jáne adam saýdasy qurbandarynyń quqyqtaryn qorǵaýdyń ózekti problemalary» atty taldaý baıandamasynyń tusaýkeserinde.
Osy oraıda ol QR Іshki ister mınıstrligimen birlese otyryp, qarastyrylyp jatqan faktige toqtaldy.
«Bir memlekettiń ókili azamattyq nekedegi zaıybymen eki búldirshindi óltirip, tońazytqyshtyń ishine jasyrǵan. Bul qatygezdik oqıǵa úsh kúnnen beri eldi alańdatyp otyr. ıAǵnı ózge memleketten kelgen eńbek mıgranty osyndaı quqyqqa qaıshy is-qımyldy Qazaqstannyń balalaryna qatysty jasaýy eldi dúrliktirdi»,-dep toqtaldy depýtat.
Onyń sózine qaraǵanda, halyqaralyq uıymdardyń qatysýymen arnaıy baǵdarlama ázirlenip, sonyń aıasynda barlyq balalar mekemesine monıtorıng júrgiziledi. Osy rette mıgranttardyń da balalary nazarda bolady.
«QR Úkimetiniń arqasynda bizde Call-ortalyq bar jáne ol aqysyz, táýlik boıy jumys isteıdi. Taldaýǵa súıensek, bul ortalyq der kezinde jasaqtalǵan, sebebi bizge mıgranttar men olardyń balalary telefon shalyp turady. Meniń oıymsha, barlyq kúsh-jigerdi jumyldyrsaq, ıaǵnı barsha dıplomatııalyq korpýs pen halyqaralyq uıymdar, úkimettik emes sektor birlese kóptegen máseleni sheshe alady»-dedi Zaǵıpa Balıeva.
