QR Baǵalaýshylardyń respýblıkalyq palatasy janynan arnaıy sot qurý josparlanǵan - palata tóraǵasy V.Elıseev
ASTANA. Qyrkúıektiń 13-i. QazAqparat /Arman Asqarov/ - Aldaǵy ýaqytta QR Baǵalaýshylardyń respýblıkalyq palatasy janynan arnaıy sot qurý josparlanyp otyr. Bul týraly búgin elordada ótken baspasóz máslıhatynda QR Baǵalaýshylardyń respýblıkalyq palatasynyń tóraǵasy Vılen Elıseev málim etti,
dep habarlaıdy QazAqparat.
Onyń habarlaýynsha, Astana qalasynda ótken baǵalaýshylardyń III halyqaralyq kongresinde QR Baǵalaýshylardyń respýblıkalyq palatasynyń janynan arnaıy sot qurý týraly sheshim qabyldanǵan bolatyn. «Zańǵa sáıkes, bul sottyń sheshimi oryndalýy mindet. Sondaı-aq osy sot shyǵarǵan sheshimderdiń kádimgi sottarda da zańdy kúshi bar. Degenmen, oǵan deıin áli jetý kerek», - deıdi V.Elıseev.
Palata tóraǵasy atap kórsetkendeı, búgingi tańda tapsyrys berýshi men baǵalaýshy mamandardyń arasyndaǵy daý-damaılardy palata janyndaǵy arnaıy sarapshylar keńesi sheship keledi. «Eger baǵalaýshy mamannyń jasaǵan esebi burys dep tabylsa, barlyq shyǵyndy ol óz moınyna alady. Sondaı-aq oǵan qatysty 70 myń teńgeden bastalatyn aıyppuldan - qyzmettik kýálikten aıyrylýǵa deıingi jaza qoldanylady. Qazirgi kezde 3 adamnyń isi qaralýda», - dedi V.Elıseev.
