QR Azııa Chempıonatynda sekýndtyń myńdaǵan bóligi esepteledi
ASTANA. QazAqparat - Qazaqstanda velosporttan Azııa Chempıonatynda sekýndtyń myńdaǵan bóligin esepteıtin qondyrǵy tuńǵysh ret jarys máresi men sóresine ornalastyrylady. Bul týraly búgin Astanada ótken chempıonatqa arnalǵan brıfıngte Qazaqstan velosport federatsııasynyń vıtse-prezıdenti Qaırat Aıtekenov málimdedi.
«Trektegi jarys 22-26 mamyr aralyǵynda Astanadaǵy «Saryarqa» respýblıkalyq velotrekte, al shossedegi doda - 27 mamyr men 1 maýsym aralyǵynda Qaraǵandyda ótedi. Azııa Chempıonatynyń reıtıngisi joǵary. Sondyqtan halyqaralyq tóreshilik standartyn qamtamasyz ettik. Sondaı-aq trekte Qazaqstanda alǵash ret jarystyń máresi men sóresine sekýndtyń myńdaǵan bóligin esepteıtin qondyrǵy ornatylady», - dedi Q. Aıtekenov. Sondaı-aq ol velotrek tegin bolatynyn qosty. Bul buqaralyq sportty damytyp, salamatty ómir saltyn nasıhattaýdyń amaly. «Qazaqstan velomemleket - bizde olımpıada chempıony Aleksandr Vınokýrov bar. Bul ataýdy saqtap qalý, oǵan qol jetkizgennen jeńil emes. Sondyqtan jańa chempıondardy daıyndaýymyz qajet. Ol úshin osyndaı sharalardy uıymdastyramyz», - dedi Qaırat Aıtekenov.
