QR azamaty Reseıge 500 lıtr dızel otynyn alyp ótpek bolǵan

PETROPAVL. QazAqparat – Soltústik Qazaqstan oblysynda shekarashylar 500 lıtr dızel otynyn Reseıge zańsyz ótkizbek bolǵan er adamnyń jolyn kesti, dep habarlaıdy QazAqparat tilshisi.

QR Ulttyq qaýipsizdik komıteti Shekara qyzmetiniń SQO boıynsha departamentiniń málimetinshe, fakti 28 naýryz kúni «Jańajol» avtomobıl ótkizý pýnktinde anyqtalǵan. Shekarashylar SQO Memlekettik kirister departamenti eksperttik baqylaý basqarmasy mamandarymen birge kólikterdi tekserý barysynda 500 lıtr dızel otynyn shekaradan Reseıge zańsyz alyp ótpek bolǵan Qazaqstan azamatyn toqtatty. Kólik júrgizýshisi «Mersedes» avtomashınasynda bolǵan. Ol artqan júgimen keri qaıtaryldy.

Esterińizge salaıyq, 2021 jyldyń 21 qarashasynan bastap Qazaqstan aýmaǵynan benzın, dızel otynyn jáne munaı ónimderiniń keı túrlerin avtomobıl kóligimen shyǵarýǵa 6 aıǵa tyıym salynǵan.