QR azamaty «Máskeý-Chelıabi» tas jolynda 7 kóliktiń qatysýymen bolǵan jol apatyna ushyrady (FOTO)
ASTANA. QazAqparat - «Máskeý-Chelıabi» jolynyń M5 trassasynda júrgen «DAF» júk kóliginiń tejegishiniń isten shyǵýy qaıǵyly oqıǵaǵa ákeldi. Oqys oqıǵa 24 tamyz kúni keshke joldyń 1623-shi shaqyrymynda oryn aldy, dep habarlady Mıass Online.
«DAF» júk kóliginiń júrgizýshisi, 1966 jyly týǵan Qorǵan turǵyny kólikti basqara almaı, 1992 jyly týǵan Chelıabi turǵyny basqarǵan «Kıa-Karens» avtomobıline jáne rólinde 1976 jyly týǵan Krasnoıar ólkesiniń turǵyny otyrǵan «Honda-Frıd» kóligine soǵyldy. Saldarynan «Kıa» men «Honda» joldan shyǵyp ketti, dep habarlady RF ІІM Chelıabi oblysy boıynsha MM baspasóz qyzmetinen. - Keıin avtomobıl «VAZ-2115», «Mıtsýbısı-Padjero» jáne «Ford-Fokýs» kólikterimen soqtyǵysty, artynan barlyq 4 avtomobıl «Volvo» júk kóligimen soqtyǵysty. Ony 1986 jyly týǵan Qazaqstan Respýblıkasynyń azamaty basqardy».
Kólikter otqa orandy. Jeńil kólikter tolyq órtenip ketti. Aldyn ala aqparat boıynsha, 6 adam qaza tapty: 4-ýi - «VAZ-2115» kóliginen jáne 2-ýi - «Mıtsýbısı-Padjero» kóliginde bolǵandar. «Kıa-Karens» júrgizýshisi men «Hondy-Frıd» jolaýshysy (1981 jyly týǵan) túrli jaraqattarmen aýrýhanaǵa jetkizildi. «Máskeý-Chelıabi» tas jolynda kólik qozǵalysy ýaqytsha toqtatyldy.
