QR azamattyq jáne eksperımenttik avıatsııasy áýe kemeleriniń ekıpaj músheleriniń jumys ýaqyty men demalysyn uıymdastyrý qaǵıdalaryna ózgerister engizildi

Qazaqstan Respýblıkasy Úkimetiniń qaýlysy

«Qazaqstan Respýblıkasynyń azamattyq jáne eksperımenttik avıatsııasy áýe kemeleriniń ekıpaj músheleriniń jumys ýaqyty men demalysyn uıymdastyrý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 22 sáýirdegi №437 qaýlysyna ózgerister men tolyqtyrýlar engizý týraly

Qazaqstan Respýblıkasynyń Úkimeti qaýly etedi: 1. «Qazaqstan Respýblıkasynyń azamattyq jáne eksperımenttik avıatsııasy áýe kemeleriniń ekıpaj músheleriniń jumys ýaqyty men demalysyn uıymdastyrý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 22 sáýirdegi №437 qaýlysyna (Qazaqstan Respýblıkasynyń PÚAJ-y, 2011 j., №34, 409-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen Qazaqstan Respýblıkasynyń azamattyq jáne eksperımenttik avıatsııasy áýe kemeleriniń ekıpaj músheleriniń jumys ýaqyty men demalysyn uıymdastyrý qaǵıdasynda: 2-tarmaqta: 1), 16) jáne 20) tarmaqshalar alynyp tastalsyn; 4), 6) jáne 13) tarmaqshalar mynadaı redaktsııada jazylsyn: «4) áýe kemesiniń bortyndaǵy demalý orny - kúsheıtilgen ushý ekıpajynyń múshesi úshin bıznes-salonnyń sońǵy qataryndaǵy kreslo, kúsheıtilgen ekıpajdyń qyzmet kórsetetin personaly úshin ekonomıkalyq synyp salonynyń sońǵy qataryndaǵy kreslo. Ushatyn jumys ýaqyty 13 saǵattan asqan jaǵdaıda, kúsheıtilgen ushý ekıpajynyń múshelerine arnalǵan demalý orny tiginen 80° (seksen) jáne odan artyq buryshqa shalqaıatyn, ekıpaj kabınasynan jáne jolaýshylardan oqshaýlanǵan, jeldetkishpen qamtamasyz etilgen jınalmaly yńǵaıly kreslolarmen jabdyqtalýǵa tıis. Qos ekıpajǵa arnalǵan demalý orny, ekıpaj kabınasynan jáne jolaýshylardan oqshaýlanǵan, jeldetkishpen qamtamasyz etilgen jatyp demalý oryndarymen jabdyqtalýǵa tıis;»; «6) eń kóp jumys ýaqyty - kórsetilgen kezeńderdegi jumys ýaqytynyń jıyntyǵyn quraıtyn tizbekti kez kelgen 7 (jeti) táýlikte (apta), tizbekti kez kelgen 28 (jıyrma segiz) táýlikte (aı), tizbekti kez kelgen 365 (úsh júz alpys bes) táýlikte (jyl) senimdi kásiptik qyzmet úshin ekıpajdyń (ekıpaj múshesiniń) psıhofızıologııalyq fýnktsııalarynyń qajetti deńgeıi saqtalatyn jalpy jumys kezeńi;»; «13) demalys kúni - negizgi áýejaıda nemese onyń sheginen tysqary jerde demalý ýaqyty, ol jergilikti ýaqyt boıynsha 2 (eki) túndi qamtıdy jáne keminde tizbekti 36 (otyz alty) demalys saǵatyn quraıdy;»; 17) tarmaqsha mynadaı redaktsııada jazylsyn: «17) kúsheıtilgen ushý ekıpajy - músheleriniń sany áýe kemesin basqarý úshin eń tómengi qajettilikten asatyn jáne ushý ekıpajynyń árbir múshesi ushý kezinde demalý maqsatynda ózine belgilengen jumys ornyn tastap, ushý ekıpajynyń áýe kemesin basqarý kezindegi laýazymdyq mindetterge sáıkes keletin biliktiligi bar basqa múshesimen aýysa alatyn ushý ekıpajy;»; 25), 26), 27), 29), 30) jáne 35) tarmaqshalar mynadaı redaktsııada jazylsyn: «25) ushý aldyndaǵy demalý ýaqyty - laýazymdyq mindetterin atqarǵanǵa deıingi úzilissiz jáne belgili bir ýaqyt kezeńi, onda ushý ekıpajynyń nemese kabına ekıpajynyń músheleri barlyq laýazymdyq mindetterin atqarýdan bosatylady, ushý aldyndaǵy demalý ýaqyty ushýdan keıingi demalý ýaqytymen sáıkes kelýi nemese onyń bir bóligi bolýy múmkin; 26) ushý arasyndaǵy demalý ýaqyty - laýazymdyq mindetterin atqarý kezeńinen keıingi jáne oǵan deıingi úzilissiz jáne belgili bir ýaqyt kezeńi, onda ushý ekıpajynyń nemese kabına ekıpajynyń músheleri barlyq laýazymdyq mindetterin atqarýdan bosatylady; 27) ushatyn jumys ýaqyty - ekıpaj múshesi óziniń ushýdy nemese ushýlar serııasyn oryndaýdy qamtıtyn laýazymdyq mindetterin atqarý úshin kelgen kezde bastalatyn jáne ózi ekıpaj múshesi bolyp tabylatyn ushý aıaqtalǵannan keıin áýe kemesi tolyqtaı toqtaǵan kezde aıaqtalatyn ýaqyt kezeńi;»; «29) ushý ýaqyty: ushaqtar úshin - ushyp kóterilý maqsatynda qalyp jınalyp, áýe kemesi qozǵala bastaǵan sátten bastap ushý aıaqtalǵannan keıin ushaq tolyqtaı toqtap, qalyptar ornatylǵan jáne barlyq qozǵaltqyshtar nemese áýe burandalarynyń aınalýy ajyratylǵan sátke deıingi jalpy ýaqyt; tikushaqtar úshin - ushyp kóterilý maqsatynda tikushaqtyń tirek burandalarynyń qalaǵy aınala bastaǵan jáne qozǵala bastaǵan sátten bastap ushý aıaqtalǵannan keıin tikushaq tolyqtaı toqtaǵan jáne tirek burandalarynyń aınalýy toqtaǵan sátke deıingi jalpy ýaqyt; 30) ushýdan keıingi demalý ýaqyty - laýazymdyq mindetter atqarylǵan kezeńnen keıingi úzilissiz jáne belgili bir ýaqyt kezeńi, onda ushý ekıpajynyń nemese kabına ekıpajynyń músheleri barlyq laýazymdyq mindetterin atqarýdan bosatylady, ushýdan keıingi demalý ýaqyty ushý aldyndaǵy demalý ýaqytymen sáıkes kelýi nemese onyń bir bóligi bolýy múmkin;»; «35) paıdalanýdaǵy boljanbaǵan mán-jaılar - josparlaýǵa bolmaıtyn oqıǵalar, mysaly paıdalanýshyǵa baılanysty bolmaıtyn aldyn ala boljanbaǵan aýa raıy jaǵdaıy, jabdyqtardyń buzylýy nemese áýe qozǵalysynyń kidirýi;»; mynadaı mazmundaǵy 36) tarmaqshamen tolyqtyrylsyn: «36) qolaıly úı-jaı - ushý ekıpajynyń jáne kabına ekıpajynyń qanaǵattanarlyqtaı demalý múmkindigin qamtamasyz etetin jıhazdalǵan bólme.»; 7-tarmaqta: 5) tarmaqsha mynadaı redaktsııada jazylsyn: «5) rezervte kezekshilikte bolǵan, ushyp ketýdi kútý kezinde qolaıly úı-jaılarda ótkizilgen ýaqyt;»; 11) tarmaqshadaǵy «ýaqyty retinde aıqyndalady.» degen sózder «ýaqyty;» degen sózben aýystyrylyp, mynadaı mazmundaǵy 12) tarmaqshamen tolyqtyrylsyn: «12) ekıpaj (ekıpaj múshesi) tikeleı trenajer kabınasynda áýe kemesiniń keshendi trenajery paıdalanylatyn jumysqa jumsaǵan ýaqyty retinde aıqyndalady.»; 8-tarmaq mynadaı redaktsııada jazylsyn: «8. Ekıpaj múshesiniń jumys ýaqytynyń eń kóp uzaqtyǵy osy Qaǵıdaǵa 1-qosymshaǵa sáıkes belgilenedi.»; 9 jáne 10-tarmaqtar mynadaı redaktsııada jazylsyn: «9. Ekıpajdyń (ekıpaj múshesiniń) ushý ýaqytyna: 1) ushaqtar úshin - ushyp kóterilý maqsatynda qalyp jınalyp, áýe kemesi qozǵala bastaǵan sátten bastap ushý aıaqtalǵannan keıin ushaq tolyqtaı toqtap, qalyptar ornatylǵan jáne barlyq qozǵaltqyshtar nemese áýe burandalarynyń aınalýy ajyratylǵan sátke deıingi jalpy ýaqyt; 2) tikushaqtar úshin - ushyp kóterilý maqsatynda tikushaqtyń tirek burandalarynyń qalaǵy aınala bastaǵan jáne qozǵala bastaǵan sátten bastap ushý aıaqtalǵannan keıin tikushaq tolyqtaı toqtaǵan jáne tirek burandalarynyń aınalýy toqtaǵan sátke deıingi jalpy ýaqyt. 10. Kommertsııalyq áýe tasymalyn oryndaý kezinde ekıpaj múshesiniń aıyna jáne jylyna ushý ýaqytynyń eń kóp uzaqtyǵy osy Qaǵıdaǵa 2-qosymshaǵa sáıkes belgilenedi. Kommertsııalyq áýe tasymalyn oryndaý kezinde ekıpaj múshesiniń aıyna jáne jylyna ushý ýaqytynyń eń kóp uzaqtyǵy ekıpaj múshesiniń jazbasha kelisimimen tizbekti kez kelgen 365 (úsh júz alpys bes) táýlik úshin 900 (toǵyz júz) saǵat jáne tizbekti kez kelgen 28 (jıyrma segiz) táýlik úshin 100 (júz) saǵat bolyp belgilenedi.»; mynadaı mazmundaǵy 12-1-tarmaqpen tolyqtyrylsyn: «12-1. Ekıpaj múshesiniń ushatyn jumys ýaqytyna: 1) keminde 1 (bir) saǵat ushý aldyndaǵy daıyndyq ýaqyty; 2) ekıpaj múshesiniń ushatyn ýaqyty; 3) uzaqtyǵy 2 (eki) saǵattan aspaıtyn demalýǵa jáne as ishýge arnalǵan úzilis ýaqytyn qospaǵanda, áýejaılarda (aralyq jáne bazalyq) turý ýaqyty; 4) qandaı da bir sebepter boıynsha keshikken jaǵdaıda, ushyp shyǵýdy kútý ýaqyty; 5) paıdalanýshynyń nusqaýy boıynsha keıinnen aralyq demalyssyz ushýdy oryndaı otyryp, ekıpajdyń laýazymdyq mindetterin oryndaý ornyna barýyna jumsalǵan ýaqyt kiredi. Kommertsııalyq áýe tasymalyn oryndaý kezinde ekıpaj quramyn eskere otyryp, ekıpaj múshesiniń ushý ýaqytynyń eń kóp uzaqtyǵy osy Qaǵıdaǵa 5-qosymshaǵa sáıkes belgilenedi.»; 13, 14, 15 jáne 22-tarmaqtar mynadaı redaktsııada jazylsyn: «13. Ushatyn jumys ýaqyty qolaısyz kezeńde bastalatyn, aıaqtalatyn nemese ony tutastaı qamtıtyn jaǵdaılarda, ushatyn jumys ýaqytynyń eń kóp uzaqtyǵy ekıpaj múshesiniń qolaısyz kezeńde bolý ýaqytynyń mólsherine azaıtylady, biraq 2 (eki) saǵattan aspaıdy. Ushatyn jumys ýaqyty qolaısyz kezeńniń 50%-dan astamyn qamtıtyn jaǵdaılarda, ushýdan keıingi demalý ýaqytynyń uzaqtyǵy ushatyn jumys ýaqytynyń eki eselengen mólsherinen kem bolmaýǵa tıis. 14. Paıdalanýda boljanbaǵan mán-jaılar týyndaǵan kezde paıdalanýshy áýe kemesi jáne ekıpaj komandırimen kelisim boıynsha ushatyn táýliktik jumys ýaqytynyń eń kóp uzaqtyǵyn 1 (bir) saǵatqa uzarta alady. 15. Paıdalanýshynyń sheshimi boıynsha ushatyn eń kóp jumys ýaqytyn uzartý júrgizilgeni týraly paıdalanýshy mundaı sheshim qabyldaýdyń sebepterin kórsetip, uzartqannan keıin 28 (jıyrma segiz) kúntizbelik kúnnen keshiktirmeı ýákiletti organdy habardar etedi.»; «22. Ushý kestesi ushýdyń josparlanatyn ýaqyty ruqsat etilgen eń kóp ushatyn jumys ýaqytynan aspaıtyndaı túrde jasalýǵa tıis. Osy maqsatta paıdalanýshy josparlanatyn ushý kestesin ózgertý ne ekıpajdy josparlaýdy ózgertý boıynsha dereý sharalar qabyldaıdy. Eger ushý ekıpajy múshesiniń ushý qaýipsizdigine keri áser etetindeı shamada sharshap turǵany belgili bolsa nemese boljansa, paıdalanýshy ushý ekıpajynyń bul múshesine áýe kemesin basqarýdy tapsyrmaıdy.»; 30 jáne 31-tarmaqtar alynyp tastalsyn; 34, 35 jáne 37-tarmaqtar mynadaı redaktsııada jazylsyn: «34. Bazalyq áýejaıda ushý aldyndaǵy demalýdyń eń az ýaqyty, uzaqtyǵy jaǵynan qaısysy neǵurlym uzaǵyraq bolǵanyna baılanysty aldyńǵy jumys ýaqytyna nemese 12 (on eki) saǵatqa teń bolýǵa tıis. 35. Bazalyq áýejaıdan tys jerde ushý aldyndaǵy demalýdyń eń az ýaqyty, uzaqtyǵy jaǵynan qaısysy neǵurlym uzaǵyraq bolǵanyna baılanysty aldyńǵy jumys ýaqytyna nemese 10 (on) saǵatqa teń bolýǵa tıis.»; «37. Ekıpaj múshelerine aptasyna bir demalys kúni beriledi, ol keminde 36 (otyz alty) tizbekti demalys saǵatyn quraıdy jáne 2 (eki) túndi qamtýǵa tıis, árbir tún jergilikti ýaqyt boıynsha saǵat 22.00-den 08.00-ge deıingi aralyqtaǵy 8 (segiz) saǵattan turatyn kezeńdi bildiredi. Demalys kúni demalys kúniniń aıaqtalýy men kelesi demalys kúniniń bastalýynyń arasyndaǵy kezeń 168 (júz alpys segiz) saǵattan aspaıtyndaı túrde beriledi. Ushý aldyndaǵy jáne ushýdan keıingi demalý kezeńi demalys kúniniń bir bóligi bolýy múmkin.»; 42-tarmaq alynyp tastalsyn; 44, 45, 49, 53, 55 jáne 63-tarmaqtar mynadaı redaktsııada jazylsyn: «44. Ekıpaj múshesiniń demalys ýaqyty ekıpajdyń aldyńǵy qyzmetine tikeleı jumsalǵan jumys ýaqyty aıaqtalǵan jáne barlyq laýazymdyq mindetterin atqarýdan bosatylǵan sátten bastap esepteledi. 45. Paıdalanýshy ekıpaj (ekıpaj múshesi) úshin ádettegi kestege sáıkes salystyrmaly túrde uzaq kútý kezeńderi kózdelgen áýeaılaqtardaǵy, mejelengen pýnktterdiń áýejaılaryndaǵy jáne aralyq aıaldama pýnktterindegi qolaıly úı-jaılarda demalýdy qamtamasyz etedi.»; «49. Paıdalanýdaǵy boljanbaǵan mán-jaılar kezinde áýe kemesi komandıriniń sheshimimen ushatyn jumys ýaqytynyń eń kóp uzaqtyǵy 2 (eki) saǵattan aspaıtyn, al kúsheıtilgen ushý ekıpajy paıdalanylǵan jaǵdaıda, 3 (úsh) saǵattan aspaıtyn ýaqytqa uzartylýy múmkin.»; «53. Eger ushatyn jumys ýaqytynyń ulǵaıtylýy nemese ekıpaj músheleriniń demalý ýaqytynyń qysqartylýy 1 (bir) saǵattan asyp ketse, paıdalanýshy áýe kemesi komandıri esebiniń kóshirmesin qosa berip jáne qabyldanǵan sheshimniń sebepterin kórsetip, kórsetilgen oqıǵalar oryn alǵan kúnnen bastap 28 (jıyrma segiz) kúntizbelik kúnnen keshiktirilmeıtin merzimde bul týraly ýákiletti organdy habardar etedi.»; «55. Úı rezervindegi kezekshilik ýaqyty uzaqtyǵy 12 (on eki) saǵat bolatyn úzilissiz bir kezeńnen aspaýy tıis. Úı rezervteriniń sany shektelmeıdi. Ushý tapsyrmasyn oryndaý úshin ekıpaj (ekıpaj múshesi) úı rezervindegi kezekshilikten shaqyrylyp alynǵan jaǵdaıda, úı rezervinde ótkizilgen ýaqyt jumys ýaqyty bolyp esepteledi, biraq aldaǵy ushatyn jumys ýaqytyna qosylmaıdy, bir aı úshin jeke esepteledi jáne ústeme jumysqa jatqyzylmaıdy.»; «63. Oqý jáne (nemese) jattyǵý ushýlaryn oryndaý kezinde ushatyn jumys ýaqytynyń uzaqtyǵy, ushý ýaqyty jáne qonýǵa bet alý sany boıynsha mynadaı shekteýler belgilenedi: 1) ushatyn jumys ýaqytynyń uzaqtyǵy 10 (on) saǵattan aspaıdy; 2) ushatyn jumys ýaqytyndaǵy ushý ýaqyty 6 (alty) saǵattan aspaıdy; 3) qonýǵa bet alý sany 25 (jıyrma bes) retten aspaıdy; 4) sertıfıkattalǵan eń aýyr ushyp kóterilý salmaǵy bes myń jeti júz kılogramnan az ushaqtar men sertıfıkattalǵan eń aýyr ushyp kóterilý salmaǵyna qaramastan tikushaqtar úshin qonýǵa bet alý sany 40 (qyryq) retten aspaıdy.»; mynadaı mazmundaǵy 66-1-tarmaqpen tolyqtyrylsyn: «66-1. Avıatsııalyq jumystardy oryndaý kezinde ushý ekıpajynyń músheleri úshin ushatyn jumys ýaqyty ishinde qonýdyń mynadaı shekti sany belgilenedi: 1) ushaqta - 45 qoný; 2) tikushaqta - 55 qoný.»; 71-tarmaqtyń 4) tarmaqshasy mynadaı redaktsııada jazylsyn: «4) sertıfıkattalǵan eń aýyr ushyp kóterilý salmaǵy 5 700 (bes myń jeti júz) kılogramm jáne odan joǵary ushaqtardyń ekıpajdary úshin - jumys ýaqytynyń 13 (on úsh) saǵat 00 (nól nól) mınýtqa deıingi uzaqtyǵymen 11 (on bir) saǵatqa deıin. 1 (bir) táýlikte ushý ýaqytyn belgilengen normadan tys arttyrýǵa 1 (bir) jyldyń ishinde 3 (úsh) aıdan artyq jol berilmeıdi. Bir aı ishindegi ushý ýaqytynyń uzaqtyǵy avıatsııalyq jumystardy oryndaıtyn ekıpajdyń jazbasha kelisimimen 100 saǵatqa deıin, biraq bir jyl ishindegi ushý ýaqytynyń jalpy uzaqtyǵy osy Qaǵıdaǵa 4-qosymshada belgilengen normalardan asyp ketpeýi úshin jylyna úsh retten asyrmaı uzartylýy múmkin.»; 72-tarmaq mynadaı redaktsııada jazylsyn: «72. Eńbekti uıymdastyrýdyń vahtalyq ádisi kezinde áýe kemesiniń ekıpajdary jumysynyń uzaqtyǵy ekıpajdyń barlyq músheleriniń pikirleri men densaýlyq jaǵdaılaryn eskere otyryp jáne jumys ýaqyty men demalý ýaqyty normalary saqtalǵan kezde 28 (jıyrma segiz) kúntizbelik kún ishinde 15 (on bes) kúnnen aspaýǵa tıis. Vahtalyq ádis kezinde áýe kemesiniń ekıpajdary jumysynyń uzaqtyǵy ekıpaj músheleriniń jazbasha kelisimimen kúntizbelik otyz kúnge deıin uzartylýy múmkin.»; kórsetilgen Qaǵıdaǵa 1, 2 jáne 4-qosymshalar osy qaýlyǵa 1, 2 jáne 3-qosymshalarǵa sáıkes jańa redaktsııada jazylsyn; osy qaýlyǵa 4-qosymshaǵa sáıkes kórsetilgen Qaǵıdaǵa 5-qosymshamen tolyqtyrylsyn. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri S.AHMETOV.

Qaýlynyń qosymshalary respýblıkalyq basylymdarda jarııalandy.