QR azamattaryn bıýdjet qarajattary esebinen shetelge emdelýge jiberý erejelerine ózgerister engizildi
TANA. 12 qyrkúıek. QazAqparat - Qazaqstan Respýblıkasynyń Úkimeti «Qazaqstan Respýblıkasy azamattaryn bıýdjet qarajaty esebinen shetelge emdelýge jiberý erejesin bekitý týraly» Qazaqstan Respýblıkasy Úkimetiniń 2009 jylǵy 4 jeltoqsandaǵy №2016 qaýlysyna ózgeris engizý týraly» qaýlyǵa qol qoıdy.
Bul qaýly respýblıka azamattaryn bıýdjet qarajaty esebinen shetel medıtsınalyq uıymdaryna emdelýge jiberý tártibin jáne jaǵdaılaryn retteıdi, dep habarlady QR Densaýlyq saqtaý mınıstrliginiiń baspasóz qyzmeti.
Qaýlyda Qazaqstan azamattary bıýdjet qarajaty esebinen shetelge emdelýge jiberilýge tıis aýrýlar tizbesi belgilendi jáne keńeıtildi, sondaı-aq bıýdjet qarajaty esebinen shetelge emdelýge jiberiletin respýblıkanyń jeke sanattaǵy azamattarynyń tizbesi engizildi.
Aıǵaqtary bolǵan jáne respýblıkanyń densaýlyq saqtaý uıymdarynda dıagnostıka men emdeýdiń qoldanýǵa ruqsat etilgen barlyq ádisteri paıdalanylǵan, biraq emniń oń nátıjesi bolmaǵan jańa týǵan sábıler men 18 jasqa deıingi balalar, sondaı-aq Qazaqstan Respýblıkasy Prezıdentiniń, QR Premer-Mınıstriniń tapsyrmasy boıynsha erekshe jaǵdaılarda qyzmettik mindetterdi atqarý kezinde aýyr jaraqat alǵan jáne mertikken elimizdiń densaýlyq saqtaý uıymdarynda dıagnostıka men emdeýdiń qoldanýǵa ruqsat etilgen barlyq ádisteri paıdalanylǵan, biraq emniń oń nátıjesi bolmaǵan quqyq qorǵaý organdarynyń qyzmetkerleri, respýblıka Qarýly Kúshteriniń áskerı qyzmetshileri tizbege engizildi.
Odan basqa, medıtsına qyzmetkerleriniń súıemeldeýimen shetel medıtsınalyq uıymdarynda qıyn jaǵdaıda jatqan qazaqstandyq azamattardy Qazaqstan Respýblıkasyna jetkizý jóninde tarmaq engizildi.
