QR Avıatsııa komıtetiniń basshysy: Drondar úshin jeke qurylym qajet
ASTANA. QazAqparat - QR Investıtsııalar jáne damý mınıstrligi Azamattyq avıatsııa komıtetiniń tóraǵasy Talǵat Lastaev qazaqstandyqtardyń ushqyshsyz ushaqtar men drondardy paıdalanýǵa qatysty pikir bildirdi, dep habarlaıdy QazAqparat.
«Biz qalamasaq ta drondar ómirimizge dendep endi. Bir jaǵynan bul jaqsy da. Biraq, qaýipsizdik maqsatynda olardy retteý úshin normatıvtik-quqyqtyq baza qurý qajet. Olardy qalaı tirkeý kerek, qandaı salmaqtan bastap tirkeý kerek, drondardyń ushýyn kim baqylaıdy degen máselelerdi túsinýimiz kerek. ıAǵnı, olardyń kórinetin shekte ushýy bir bólek, al olardy kórý sheginen tysqary basqarý múldem basqa», - dedi Talǵat Lastaev Murat Jumanbaıdyń «Galstýksyz» dep atalatyn baǵdarlamasynda.
Onyń aıtýynsha, álemdik tájirıbede ushqyshsyz ushaqtardy basqarý úshin bútindeı qurylymdyq bólimge qurylady.
«Óıtkeni, olardyń bolashaǵy bar ekendigin túsinedi. Biz qalasaq ta, qalamasaq ta bul drondar keıbir salalarda máselen, qubyr jelileri men gaz qubyrlaryna monıtorıng júrgizýde tikushaqtyń ornyn basady. Bul óte arzan. Munyń barlyǵyn saralap, zańnama ázirleý kerek. Ol úshin bilimi bar adamdar qajet. Biz bul damýdyń aldyn oraýǵa tıispiz. Al ol úshin munymen aınalysatyn qurylym qurǵanymyz jón», - dedi Talǵat Lastaev.
Esterińizge sala ketsek, Azamattyq avıatsııa komıtetiniń burynǵy tóraǵasy Beken Seıdahmetov ushqyshsyz ushatyn apparattar men drondarǵa baqylaý engizýdi usynǵan bolatyn.
