QR aýyr atletteri Tashkentte Azııa chempıonatynda Olımpıada joldamasy úshin saıysqa túsedi
ASTANA. QazAqparat - 24 sáýirde Tashkentte Rıo-de-Janeırodaǵy Olıımpıadalyq oıyndar qarsańyndaǵy lıtsenzııalyq mártebesi bar aýyr atletıkadan Azııa chempıonatynyń 27-shi áıelder jáne 47-shi erler arasyndaǵy irikteý saıystary bastalady.
Onda 32 elden 300-den astam sportshy azııalyq qurlyqtyń eń kúshtileri ataǵy úshin 15 salmaq sanatynda (8 erler jáne 7 áıelder) saıysqa túsedi. Chempıonatta 13 olımpıadalyq joldama sarapqa salynady.
Atap óteıik, aýyr atletıkada lıtsenzııalar ataýly emes. Alaıda Olımpıadaǵa qatysý úshin sportshylar Halyqaralyq aýyr atletıka federatsııasy belgilegen keminde eki irikteý saıysyna qatysýy tıis.
QR aýyr atletıka federatsııasynyń baspasóz qyzmeti túsindirgendeı, Qazaqstan quramasy eki álem chempıonatynan keıin sportshylarymyz úzdik nátıje kórsetip, tarıhta tuńǵysh ret lıtsenzııalardyń tolyq jıyntyǵyna (6 erler jáne 4 áıelder lıtsenzııasyna) ıe boldy.
Tashkentte bizdiń respýblıkamyz atynan 2009 jylǵy álem chempıony Vladımır Sedov pen 2013 jylǵy jastar arasyndaǵy Azııa chempıony Denıs Ýlanov qatysady.
«Osy chempıonatta bizdiń sportshylarymyzdyń aldyna bir ǵana mindet - Olıpıada oıyndaryna qatysý úshin jetispeı turǵan bir lıtsenzııany alýy tıis. Bul birinshilik te lıtsenzııalyq, biraq ta qazirdiń ózinde bizde lıtsenzııalardyń tolyq jıyntyǵy bolǵandyqtan , biz úshin eń bastysy - qatysý. Tashkentke buryn josparlanǵan bes sportshynyń ornyna ekeýi ǵana - Ýlanov (85 keli) pen Sedov (94 keli) barady. Albert Lınder Tbılısıde maýsymnyń sońynda bolatyn jasóspirimder arasyndaǵy álem chempıonatyna qatysatyn boldy, al Marııa Grabovetskaıa men Rústem Sybaı jaraqattanyp qaldy», - dedi quramanyń bas jattyqtyrýshysy Alekseı Nı.
