QR Aýyr atletıka federatsııasyna jańa prezıdent saılandy

Qaırat Turlyhanovtyń ornyn aýystyrǵan Janat Túsipbekov federatsııa jetekshisi boldy.

Túsipbekov Janat Rashıduly 1977 jyly 6 naýryzda Qaraǵandy qalasynda dúnıege kelgen. 1998 jyly E.Bóketov atyndaǵy Qaraǵandy memlekettik ýnıversıtetiniń zań fakýltetin, 2007 jyly L.Gýmılev atyndaǵy EUÝ ekonomıka fakýltetin támamdaǵan. Birneshe jyl boıy ol «QazMunaıGaz» Saýda úıi» AQ atqarýshy dırekory, bas dırektordyń orynbasary, «QazMunaıGaz Ónimderi» AQ jáne «QazMunaıGaz - qaıta óńdeý jáne marketıng» AQ bas dırektory qyzmetterin atqardy. Sonymen birge J.Túsipbekov 2009 jyldan beri Qaraǵandy oblystyq boks federatsııasyn basqaryp keledi. Qazirgi ýaqytta ol The Rompetrol Group-tyńbas dırektory.