QR Aýyl sharýashylyǵy mınıstrliginiń júıesinde ruqsatnamalyq qujattar paketiniń sany qysqartylady

Bul týraly búgin Astanada Qazaqstan fermerleriniń 3-respýblıkalyq konferentsııasynda QR Aýyl sharýashylyǵy vıtse-mınıstri Saqtash Hasenov málim etti.

«QR Aýyl sharýashylyǵy mınıstrliginiń júıesindegi ruqsatnamalyq qujattar paketiniń bir bóligi jergilikti bılik organdarynyń quzyryna kóshetindikten, olardyń sany qysqartylady. Qolǵa alynǵan shara kásipkerlik sýbektilerine óz qyzmetin jyldam ári tıimdi úılestirýige múmkindik beredi»,-dedi S. Hasenov.

Sonymen qatar ol konferentsııa barysynda Qazaqstannyń agroónerkásiptik kesheni aldynda egistik jerlerdi ártaraptandyrý, sonyń ishinde maıly daqyldardyń egistikterin kóbeıtý máselesi turǵandyǵyn, sondaı-aq ylǵaldy ustap turatyn tehnologııalardy engizý jáne sýarylatyn jerler sanyn kóbeıtý qajet ekendigin basa aıtty.