QR Aýyl sharýashylyǵy mınıstrliginiń burynǵy sheneýnigi 4 jylǵa sottaldy
ASTANA. QazAqparat QR Aýyl sharýashylyǵıay mınıstrliginiń burynǵy joǵary laýazymdy sheneýnigi Arman Qumashev 4 jylǵa túrmede otyrýǵa sottaldy, dep habarlady 24.kz telearnasy.
QR Aýyl sharýashylyǵy mınıstrliginiń Sý resýrstary komıteti tóraǵasynyń burynǵy orynbasary ótken jyly bıýdjettik qarjyny urlaýǵa aıyptalyp tutqyndalǵan bolatyn.
«Astana aýdandyq soty Qumashevti QR QK-niń 4 bólimi 307-babymen («Qyzmettik ókildigin asyra paıdalaný») aıypty dep tanydy. Oǵan 4 jyl merzimge bas bostandyǵyn aıyrýǵa jaza taǵaıyndaldy, ol sondaı-aq 5 jylǵa deıin memlekettik qyzmette laýazymdy qyzmet atqarý quqyǵynan aıyryldy», - dep habarlady sottan.
Sheneýnik Qaraǵandy oblysyndaǵy Sátbaev atyndaǵy arnanyń sorǵy stansasyn jóndeýge bólingen 5 mıllıard teńgege jýyq qarjyny urlaýǵa aıyptaldy. Tergeýdiń paıymdaýynsha, naq osy memlekettik aqshaǵa Arman Qumashev Astanadan úı, elıtalyq aýdandardan 3 páter, bılıard bólmesin jáne «lıýks» klasyndaǵy avtomobıl satyp alǵan. Qarjy polıtsııasy sheneýniktiń múlkin tutqyndady.
