QR Aýyl sharýashylyǵy mınıstrligi qytaılyq pestıtsıdke tyıym saldy

NUR-SULTAN. QazAqparat – Shegirtkege qarsy hımııalyq kúres sharalarynyń oryndalmaýy qaýpine baılanysty QR Aýyl sharýashylyǵy mınıstrligi «Imperator, 20% v.k.» pestıtsıdiniń memlekettik tirkeýin merziminen buryn toqtatty, dep habarlaıdy QazAqparat tilshisi.

«Endi bul hımııalyq ónim Qazaqstanda qoldanylmaıdy. 2018 jyly «Pestıtsıdy» JShS Qazaqstan aýmaǵyna úlken kólemde «Imperator 20% v.k.» (ımıdakloprıd, 200 g/l) pestıtsıdin kirgizgen. Shegirtkege qarsy kúresý úshin paıdalanylatyn preparattyń tirkeýshisi (ıesi) «Shanhaı MIO Kemıkal Ko., Ltd.» bolyp sanalady. Respýblıkanyń ońtústik aımaqtarynda «marokko» shegirtkesine qarsy hımııalyq kúres júrgizý kezinde «Imperator, 20% v.k.» pestıtsıdi fıtosanıtarııalyq qaýipsizdikti qamtamasyz etýge qoıylatyn talaptarǵa sáıkes kelmeıtini, onyń bıologııalyq tıimdiligi tómen (30% - dan kem) ekenin kórsetti», - delingen QR AShM málimetinde.

Mamandardyń paıymynsha, atalmysh hımııalyq ónimdi aldaǵy ýaqytta paıdalaný 1,054 mln ga jerde shegirtkege qarsy kúres sharalarynyń tıimsiz bolýyna alyp kelýi múmkin. Mundaı jaǵdaılarda «Ósimdikterdi qorǵaý týraly» zańda «pestıtsıdti» memlekettik tirkeý kýáliginen aıyrý (qaıtaryp alý) qarastyrylǵan.

«Osyǵan baılanysty, QR AShM Agroónerkásiptik keshendegi memlekettik ınspektsııa komıtetiniń № 333-N buıryǵymen 2019 jyldyń 12 jeltoqsanynan bastap «Imperator, 20% v.k.» pestıtsıdin merziminen buryn tirkeý kýáligin keri qaıtaryp alyp, atalmysh hımııalyq preparatty memlekettik tirkeýden ótkizýge tyıym saldy», - dep atalyp ótken mınıstrlik aqparatynda.