QR Aýyl sharýashylyǵy mınıstrligi aýylsharýashylyq janýarlarynyń kepilin tirkeý qaǵıdalaryn bekitti
ASTANA. 8 tamyz. QazAqparat - Qazaqstan Respýblıkasy Aýyl sharýashylyǵy mınıstri Asyljaen Mamytbekov «Aýyl sharýashylyǵy janýarlarynyń kepilin tirkeý qaǵıdalaryn bekitý týraly» buıryqqa qol qoıdy, dep habarlaıdy resmı BAQ.
Qazaqstan Respýblıkasy Aýyl sharýashylyǵy mınıstrliginiń buıryǵy № 3-3/222
2012 jylǵy 27 sáýir,Astana qalasy
Aýyl sharýashylyǵy janýarlarynyń kepilin tirkeý qaǵıdalaryn bekitý týraly
Qazaqstan Respýblıkasynyń 2005 jylǵy 8 shildedegi «Agroónerkásiptik keshendi jáne aýyldyq aýmaqtardy damytýdy memlekettik retteý týraly» zańynyń 6-babynyń 1-tarmaǵynyń 5-1) tarmaqshasyn júzege asyrý maqsatynda buıyramyn:
1. Qosa berilip otyrǵan Aýyl sharýashylyǵy janýarlarynyń kepilin tirkeý qaǵıdalary bekitilsin.
2. Mal sharýashylyǵy departamenti zańnamada belgilengen tártipte:
1) Qazaqstan Respýblıkasynyń Ádilet mınıstrliginde osy buıryqty memlekettik tirkeýdi;
2) buqaralyq aqparat quraldarynda resmı jarııalaýdy;
3) Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýdy qamtamasyz etsin.
3. Osy buıryq alǵash resmı jarııalanǵan kúnnen bastap on kúntizbelik kún ótken soń qoldanysqa engiziledi.
Mınıstr A. Mamytbekov.
Aýyl sharýashylyǵy janýarlarynyń kepilin tirkeý qaǵıdalary respýblıkalyq BAQ-tarda jarııalandy.
