QR Aýyl sharýashylyǵy mınıstrligi astyq baǵasyn jarııalady

ASTANA. QazAqparat - Respýblıkamyzdaǵy negizgi egin ólkeleri jappaı egin orý jumystaryna kiristi. Búginge deıin elimiz boıynsha 4 mln. 265 myń ga astyq jınaldy, dep habarlady búgin elimizdiń Aýyl sharýashylyǵy mınıstrliginiń baspasóz qyzmeti.
None
None

Baspasóz málimetterine qaraǵanda, bul ótken jyldaǵy kórsetkishten joǵary. Ortasha ónimdilik gektaryna 13,4 tsentnerdi quraıdy.

Búgingi tańda, QR Aýyl sharýashylyǵy mınıstrligi astyqty satyp alý baǵasyn jarııalady. Aǵymdaǵy egin orý maýsymynda bıdaı baǵasy onyń sapasy men jetkizý ornyna baılanysty keńeıtildi.

Osyǵan baılanysty 1 tonna astyq baǵasy kelesideı boldy:

- Quramynda 23% kleıkovına jáne 12% proteıni bar 3 suryptaǵy bıdaıdyń tonnasy - 42000 teńge;

- Quramynda 25% kleıkovına jáne 13% proteıni bar 3 suryptaǵy bıdaıdyń tonnasy - 45000 teńge;

- Quramynda 27% kleıkovına jáne 14,5% proteıni bar 3 suryptaǵy bıdaıdyń tonnasy - 50000 teńge (54000 teńge - AQO-da qapshyqtalǵan);

- Quramynda 32% ulpa jáne 15% proteıni bar 3 suryptaǵy bıdaıdyń tonnasy - 60000 teńge (AQO-da qapshyqtalǵan);

- Quramynda 20% kleıkovına jáne 11% proteıni bar 4 suryptaǵy bıdaıdyń tonnasy - 39000 teńge;

- Quramynda 18% kleıkovına jáne 9,5% proteıni bar 4 suryptaǵy bıdaıdyń tonnasy - 37000 teńge;

- 5 suryptaǵy bıdaıdyń tonnasy - 33000 teńge.

Sonymen qatar, 2 suryptaǵy arpa baǵasynyń jetkizý kólemi 1000 tonnaǵa deıin bolsa, 40000 teńgege, al jetkizý kólemi 1000 tonnadan artyq bolsa, tonnasy 41000 teńgege deıin artty.

Barlyq baǵalar QQS qosa alǵanda kórsetilgen.

Сейчас читают