QR Aýyl sharýashylyǵy mınıstri «QazAgro» UBH» AQ-nyń jańa basqarma tóraǵasyn tanystyrdy
ASTANA. 14 sáýir. QazAqparat - QR Aýyl sharýashylyǵy mınıstri Asyljan Mamytbekov búgin «QazAgro» Ulttyq baqarý holdıngi» AQ-nyń jańa basqarma tóraǵasy Berik Beısenǵalıevti tanystyrdy.
B.Beısenǵalıev buryn holdıng basqarma tóraǵasynyń orynbasary bolyp qyzmet atqarǵan, dep habarlaıdy QazAgronyń baspasóz qyzmeti.
Aýyl sharýashylyǵy mınıstri atap ótkendeı, holdıng aldynda Memleket basshysynyń tapsyrmasyna sáıkes agroónerkásiptik keshendi qaıta jańǵyrtýdyń úlken mindeti tur.
Óz kezeginde B.Beısenǵalıev respýblıkanyń joǵarǵy basshylyǵyna senim bildirgeni úshin alǵys aıtyp, Holdıng aldyndaǵy mindetterdi júzege asyrý úshin barlyq kúsh-jigerin jumsaıtyndyǵyn málim etti.
B.Beısenǵalıev 1966 jyly Torǵaı aýdanynda dúnıege kelgen. E.A.Bóketov atyndaǵy Qaraǵandy memlekettik ýnıversıtetin «ekonomıst» mamandyǵy boıynsha óte jaqsyǵa bitirgen, keıin «zańger» mamandyǵy boıynsha ekinshi joǵarǵy bilim aldy. Ár jyldary Qazaqstan men TMD-nyń bank salasynyń basqarý qyzmetterinde jumys istegen («Qazkommertsbank» AQ, «BankTuranÁlem» AQ, «ATF Bank» AQ). Ekonomıka ǵylymdarynyń kandıdaty. Birqatar ǵylymı maqalalardyń avtory. Memlekettik marapattary bar.
