QR aýmaǵynyń basym bóliginde naızaǵaı oınap, jańbyr jaýady, ońtústikte ǵana - aptap ystyq
ASTANA. QazAqparat - Qazaqstannyń soltústik, ortalyq jáne shyǵys aımaqtarynda atmosferalyq aǵyndardyń ótýine baılanysty turaqsyz aýa raıy saqtalady, naızaǵaıoınap, jańbyr jaýady, jel kúsheıedi, shyǵysta burshaq jaýýy yqtımal, dep habarlady «Qazgıdromet» RMK.
Aqmola, Atyraý, Qostanaı, Pavlodar, kúndiz Mańǵystaý, Qaraǵandy oblystarynyń keı jerlerinde jel 15-20 m/s-qa kúsheıedi.
Shyǵys Qazaqstan oblysynyń keı jerlerinde jeldiń ekpini 15-20 m/s-qa deıin kúsheıedi, burshaq jaýýy múmkin.
Soltústik Qazaqstan oblysynyń keı jerlerinde túnde jáne tańerteń tuman túsedi.
Kúndiz Jambyl, Ońtústik Qazaqstan oblystarynda aptap ystyq bolady.
Atyraý, Batys Qazaqstan, Qyzylorda, Ońtústik Qazaqstan, Jambyl, Almaty oblystarynda óte joǵary órt qaýipi saqtalady.
