QR aýmaǵyna ýaqytsha ákelinetin taýarlardy qosylǵan qun salyǵyn tóleýden bosatý qaǵıdalary bekitildi

***

Qazaqstan Respýblıkasy Úkimetiniń qaýlysy №1655

2011 jylǵy 30 jeltoqsan,    Astana, Úkimet Úıi

Qazaqstan Respýblıkasynyń aýmaǵyna ýaqytsha ákelinetin taýarlardy qosylǵan qun salyǵyn tóleýden bosatý qaǵıdalaryn bekitý týraly

«Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń 2008 jylǵy 10 jeltoqsandaǵy Kodeksiniń (Salyq kodeksi) 276-15-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń aýmaǵyna ýaqytsha ákelinetin taýarlardy qosylǵan qun salyǵyn tóleýden bosatý qaǵıdalary bekitilsin.
2. Osy qaýly 2012 jylgy 1 qańtardan bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri
K.MÁSІMOV.

Qazaqstan Respýblıkasy Úkimetiniń
2011 jylǵy 30 jeltoqsandaǵy  № 1655 qaýlysymen bekitilgen

Qazaqstan Respýblıkasynyń aýmaǵyna ýaqytsha ákelinetin taýarlardy qosylǵan qun salyǵyn tóleýden bosatý qaǵıdalary

1. Jalpy erejeler
1. Osy Qazaqstan Respýblıkasynyń aýma­ǵyna ýaqytsha ákelinetin taýarlardy qosylǵan qun salyǵyn tóleýden bosatý qaǵıdalary (budan ári - Qaǵıdalar) «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń 2008 jylǵy 10 jeltoqsandaǵy Kodeksiniń (Salyq kodeksi) 276-15-baby 3-tarmaǵyna sáıkes ázirlengen jáne Keden odaǵyna múshe memleketterdiń aýma­ǵynan Qazaqstan Respýblıkasynyń aýmaǵyna taýarlardy, onyń ishinde kólik quraldaryn ýaqytsha ákelgen kezde qosylǵan qun salyǵyn (budan ári - QQS) tóleýden bosatý tártibin aıqyndaıdy.
2. Osy Qaǵıdalardyń maqsatynda:
1) Keden odaǵyna múshe memleketterdiń aýmaǵynan Qazaqstan Respýblıkasynyń aýmaǵy­na taýarlardy ýaqytsha ákelý (budan ári - ýaqytsha ákelý) - ákelingen taýarlardyń qasıet­teri men sıpattaryn ózgertpeı keıinnen Qazaq­stan Respýblıkasynyń aýmaǵynan áketý týraly mindettememen taýarlardy, onyń ishinde kólik quraldaryn ákelý;
2) mindetteme - Qazaqstan Respýblıkasynyń Úkimeti bekitken nysan boıynsha salyq tóleý­shiniń ýaqytsha ákelingen taýarlardy, onyń ishinde kólik quraldaryn Qazaqstan Respýb­lı­ka­sy­nyń aýmaǵynan keıinnen áketý týraly mindettemesi;
3) esep - salyq tóleýshiniń mindettemeni oryndaý týraly esebi.
2. Qazaqstan Respýblıkasynyń aýmaǵyna ýaqytsha ákelinetin taýarlardy qosylǵan qun salyǵyn tóleýden bosatý tártibi
3. Taýarlardy, onyń ishinde kólik qural­daryn Qazaqstan Respýblıkasynyń aýmaǵyna ýaqytsha ákelgen kezde QQS tóleýden bosatý bir mezgilde mynadaı sharttar oryndalǵan:
1) taýarlar, onyń ishinde kólik quraldary Salyq kodeksiniń 276-15-babynyń 3-tarmaǵyna sáıkes Qazaqstan Respýblıkasynyń Úkimeti be­kit­ken Keden odaǵynda QQS tóleýden bosa­ty­lyp, Qazaqstan Respýblıkasynyń aýmaǵyna ýa­qytsha ákelinetin taýarlar tizbesine engizilgen;
2) Qazaqstan Respýblıkasynyń Úkimeti belgilengen tártippen, nysan boıynsha jáne merzimde mindetteme tabys etilgen;
3) ýaqytsha ákelingen taýarlardyń ornalas­qan orny mindettemede kórsetilgen ornalasqan orynǵa sáıkes kelgen;
4) tasymaldaýdyń, saqtaýdyń nemese paıda­lanýdyń qalypty jaǵdaıynda tabıǵı tozý nemese tabıǵı shyǵyn bolý saldarynan bolǵan ózgeristerdi qospaǵanda, ýaqytsha ákelingen taýarlar ózgerissiz kúıde qalǵan kezde beriledi.
Usaq jóndeý operatsııalaryn, tehnıkalyq qyzmet kórsetýdi jáne taýarlardy qalypty kúıde ustaý úshin qajetti basqa da operatsııa­lardy qosa alǵanda, olardyń saqtalýyn qamtamasyz etý úshin qajetti operatsııalar jasaýǵa bolady.
4. Keden odaǵyna múshe memlekettiń salyq tóleýshisimen (tóleýshimen) taýarlardy ýaqytsha ákelýge negiz bolǵan shart (kelisimshart) jasas­qan Qazaqstan Respýblıkasynyń salyq tóleý­shisi Qazaqstan Respýblıkasynyń aýmaǵyna taýarlardy, onyń ishinde kólik quraldaryn ýaqytsha ákelýdi júzege asyrǵan salyq tóleý­shi­niń ornalasqan orny boıynsha salyq organyna tabys etiletin mindettemege basshy men bas býhgalterdiń (ol bolǵan jaǵdaıda) qoldarymen, sondaı-aq salyq tóleýshiniń mórimen (bolǵan jaǵdaıda) kýálandyrylǵan mynadaı qujattar­dyń kóshirmelerin qosa beredi:
1) taýarlardy ýaqytsha ákelýdi júzege asyrýǵa negiz bolǵan Qazaqstan Respýblıka­synyń salyq tóleýshisi men Keden odaǵyna múshe memlekettiń salyq tóleýshisi (tóleýshisi) arasynda jasalǵan shart (kelisimshart) nemese ózge qujat;
2) ýaqytsha ákelingen taýarlardyń Keden odaǵyna múshe memlekettiń aýmaǵynan Qazaq­stan Respýblıkasynyń aýmaǵyna ótkizilgenin rastaıtyn taýarǵa ilespe qujattar.
5. Salyq tóleýshi tabys etken mindetteme negizinde salyq organy Qazaqstan Respýblı­ka­synyń salyq zańnamasyna sáıkes ákelý kúnine tóleý merzimi boıynsha bıýdjet synyp­tama­sy­nyń kodtary boıynsha salyq tóleýshiniń tıisti derbes shottaryna QQS esepteýdi júrgizedi.
Bul rette KQS tóleý merzimi taýarlardy ýaqytsha ákelý merzimine keıinge qaldyrylady jáne ósimpul eseptelmeıdi.
6. Ýaqytsha ákelingen taýarlar mindettemede kórsetilgen merzimge deıin jáne salyq organy­na esep tabys etilgenge deıin áketilgen kezde, salyq tóleýshiniń derbes shotynda buryn eseptelgen QQS somasy túzetilýge tıis.
7. Taýarlardy ýaqytsha ákelý kezinde QQS tóleýden bosatý mindettemede kórsetilgen merzimge beriledi.
8. Ákelý kezinde QQS tólenbegen Qazaqstan Respýblıkasynyń aýmaǵyna ýaqytsha ákelingen taýarlar áketilmegen jaǵdaıda, taýarlardy mun­daı ákelý salyq salý maqsatynda salyq saly­natyn ımport dep tanylady jáne Qazaq­stan Respýblıkasynyń aýmaǵyna taýarlar áke­lingen kúnnen bastap Salyq kodeksiniń 268-babynyń 1-tarmaǵynda belgilengen stavka boıynsha QQS salýǵa jatady.
Bul rette Qazaqstan Respýblıkasynyń aýma­ǵyna ýaqytsha ákelgen taýarlardyń áketilmeýi:
1) Qazaqstan Respýblıkasynyń aýmaǵyna ýaqytsha ákelingen taýarlardy mindettemede kórsetilgen merzimderde Qazaqstan Respýblıka­synyń aýmaǵynan áketpeý;
2) Qazaqstan Respýblıkasynyń Úkimeti belgilegen merzimderde mindettemeni jáne (nemese) esepti tabys etpeý;
3) mundaı taýarlardy ýaqytsha ákelýdi jú­zege asyrǵan salyq tóleýshiniń ýaqytsha ákelingen taýarlardy satyp alýy;
4) ýaqytsha ákelingen taýarlardy basqa tulǵaǵa berý;
5) ýaqytsha ákelingen taýdrlardyń mindette­mede kórsetilgen ornalasqan orny boıynsha bolmaý faktisin anyqtaý;
6) taýarlardy osy Qaǵıdalardyń 3-tar­maǵynyń 4) tarmaqshasynda kózdelgen sharttardy buza otyryp áketý bolyp tanylady.
Bul rette salyq qyzmeti organdary Salyq kodeksiniń 276-8-babynyń normalaryna sáıkes salyq salynatyn ımport mólsherin túzetedi.
9. Osy Qaǵıdalardyń 8-tarmaǵy 3) tarmaq­shasynda kórsetilgen jaǵdaıda, salyq tóleýshi buryn tabys etken mindettemeni qaıtaryp alý jolymen Qazaqstan Respýblıkasynyń salyq zańnamasyna sáıkes Taýarlardy ákelý jáne janama salyqtardy tóleý týraly ótinish (óti­nishter) berýge quqyly. Bul rette salyq saly­natyn ımportty jasaý kúni mundaı taýarlardy Qazaqstan Respýblıkasynyń aýmaǵyna ákelý kúni retinde aıqyndalady.
Osy tarmaqtyń maqsattary úshin atalǵan taýarlar boıynsha salyq salynatyn ımporttyń mólsheri taýarlar, onyń ishinde taýarlardyń quny jáne taýarlardy ýaqytsha ákelý týraly sharttyń (kelisimsharttyń) erejelerine sáıkes salyq tóleýshi shekken basqa da shyǵystar týraly málimetterdi rastaıtyn qujattar negizinde aıqyndalady.
10. Jeke jáne zańdy tulǵalar Qazaqstan Respýblıkasynyń aýmaǵyna Keden odaǵyna múshe basqa memlekettiń aýmaǵynan taýarlardy, onyń ishinde kólik quraldaryn ótkizý jáne (nemese) berý, sondaı-aq tabys alýǵa baǵyt­talǵan qyzmetti (kórmelerdi, jármeńkelerdi qospaǵanda) júzege asyrý maqsatynsyz ýaqyt­sha ákelgen kezde, osy Qaǵıdalardyń 3-tar­maǵynyń 1), 2) jáne 3) armaqshalarynda kóz­delgen sharttardy saqtaý talap etilmeıdi.