QR aýmaǵyna KO-ǵa múshe memleketterdiń aýmaǵynan ımporttalatyn taýarlar boıynsha esepke jatqyzý ádisimen QQS-ny tóleýdi qoldaný qaǵıdalaryna ózgerister engizildi
ASTANA. 28 shilde. QazAqparat - QR aýmaǵyna Keden odaǵyna múshe memleketterdiń aýmaǵynan ımporttalatyn taýarlar boıynsha esepke jatqyzý ádisimen qosylǵan qun salyǵyn tóleýdi qoldaný qaǵıdalaryna ózgerister men tolyqtyrýlar engizildi, dep habarlady resmı BAQ.
Qazaqstan Respýblıkasy Úkimetiniń qaýlysy
2012 jyldyń 16 sáýirinen №465
«Qazaqstan Respýblıkasynyń aýmaǵyna Keden odaǵyna múshe memleketterdiń aýmaǵynan ımporttalatyn taýarlar boıynsha esepke jatqyzý ádisimen qosylǵan qun salyǵyn tóleýdi qoldaný qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 30 jeltoqsandaǵy № 1705 qaýlysyna ózgeris pen tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynyń aýmaǵyna Keden odaǵyna múshe memleketterdiń aýmaǵynan ımporttalatyn taýarlar boıynsha esepke jatqyzý ádisimen qosylǵan qun salyǵyn tóleýdi qoldaný qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 30 jeltoqsandaǵy № 1705 qaýlysyna mynadaı ózgeris pen tolyqtyrý engizilsin:
kórsetilgen qaýlymen bekitilgen Qazaqstan Respýblıkasynyń aýmaǵyna Keden odaǵyna múshe memleketterdiń aýmaǵynan ımporttalatyn taýarlar boıynsha esepke jatqyzý ádisimen qosylǵan qun salyǵyn tóleýdi qoldaný qaǵıdalarynda:
2-tarmaqtyń 2) tarmaqshasy mynadaı redaktsııada jazylsyn:
2) Qaǵıdalarǵa qosymshaǵa sáıkes nysan boıynsha taýarlardyń ımporty boıynsha esepke jatqyzý ádisimen tólenýge tıis qosylǵan qun salyǵy somasyn qosylǵan kún salyǵy jónindegi deklaratsııada kórsetý boıynsha jáne olardy maqsatty paıdalaný týraly mindetteme (budan ári - Mindetteme) salyq qyzmeti organyna tabys etilgen jaǵdaıda júzege asyrylady.»;
osy qaýlyǵa qosymshaǵa sáıkes qosymshamen tolyqtyrylsyn.
2. Osy qaýly 2012 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSІMOV.
Bul qaýlyǵa qoıylatyn qosymshalar respýblıkalyq BAQ-da jarııalandy.
