QR Áskerı-teńiz kúshteriniń jaýyngerlik korablderin qysqy júzýge daıyndaýda (FOTO)
«Tómen temperatýra jaǵdaıynda korablderdiń júzýi úshin olardy qysqy otynǵa aýystyrýdy qajet etedi. Janar-jaǵarmaı materıaldary daıyn. Shamamen 20 qarashadan bastap qysqy rejimge kóshý josparlanýda. Sonymen qatar, qys kezinde arqandap baılaý, zákirlik, palýbalyq qurylǵylar, muzdy oıyp alýǵa arnalǵan kerek-jaraqtar ázirlenýde», - delingen habarlamada.
Vedomstvonyń atap ótýinshe, salqyn aýa raıy jaqyndaǵan saıyn áskerı korablderdiń ekıpajdary da tolyq kólemde daıyn bolýy tıis. QR Áskerı-teńiz kúshteri bas qolbasshysynyń basqarmasynan habarlaǵandaı, áskerı teńizshiler qysqy merzimge kıim-keshekterin aldy, jańa kostıýmder men qysqy arnaıy kıimniń úlgileri synaqtan ótkizildi.
Qysqy ýaqytta korablder teńizge sırek shyǵady. Alaıda, buǵan qaramastan, QR QK Áskerı-teńiz kúshteri tolyq kólemde óziniń negizgi mindeti, ıaǵnı, Kaspıı teńiziniń qazaqstandyq sý aıdyndarynda qolaıly jedel jaǵdaıdy qamtamasyz etýdi jalǵastyrýda.
«Jyldyń mezgiline qaramastan, zertteý jumysy da júrgizilýde. Bul tapsyrmany «Jaıyq» gıdrografııalyq kemesi iske asyrady. Búgingi tańda Qazaqstannyń Áskerı-teńiz kúshteri 2015 jylǵa arnalǵan jaýyngerlik daıarlyq josparyn tolyq oryndaǵanyn atap ótken jón», - dep habarlady Qorǵanys mınıstrliginen.