QR Áskerı sotynda «Qorǵas isi» boıynsha apellıatsııalyq shaǵym qaralýda
ALMATY. QazAqparat - Almaty qalalyq aýdanaralyq áskerı sotynda búgin «Qorǵas isi» boıynsha sottalýshylar men qorǵaýshylardyń túsirgen apellıatsııalyq shaǵymyn qaraý bastaldy.
Sot otyrysy sottalǵandardyń qatysýynsyz ótýde. Bul týraly QR Áskerı sotynyń baspasóz hatshysy Amangeldi Julqaınarov málim etti.
Apellıatsııalyq shaǵymdy QR Áskerı sotynyń sýdıasy A.M. Nurbekov qaraýda.
Esterińizge sala keteıik, táýelsiz Qazaqstan tarıhyndaǵy sybaılas jemqorlyqqa qarsy eń iri is boıynsha úkim 12 sáýirde shyǵarylǵan edi.
«Qorǵas isi» boıynsha 45 adam sotty bolǵan. Olardyń 42-si qamaýǵa alyndy. Aıyptalýshylardyń kóbi - keden qyzmetiniń aımaqtyq organdary men Ulttyq qaýipsizdik komıtetinde joǵary laýazymdy sheneýnikteri.
Іstiń basty aıyptalýshylaryn - «uıymdasqan qylmystyq top jetekshileri» Talǵat Qaıyrbaev pen Baqyt Otarbaevty qylmystyq topty uıymdastyrǵany jáne jetekshilik etkeni, ekonomıkalyq kontrabanda, qarajatty zańdastyrǵany, qylmysqa daıyndyq jasap, ázirlengeni, para bergenderi úshin aıypty dep tapty. Olar - istiń basty aıyptalýshylary, ári «uıymdasqan qylmystyq toptyń jetekshileri» bolyp ataldy. Talǵat Qaıyrbaev bas bostandyǵynan 16 jylǵa, al Baqyt Otarbaev 13 jylǵa aıyryldy.
Sottyń aıyptaýy boıynsha, «Qorǵas» keden beketindegi alaıaqtyq áreketterdi Ulttyq qaýipsizdik komıtetiniń joǵary laýazymdy tulǵalary jasyryp kelgen. Olardyń arasynda polkovnık Talǵat Jaqaev, podpolkovnık Irlan Ábdirahmanov jáne Aqmola oblysy boıynsha UQK departamenti basshysynyń orynbasary, polkovnık Baqytbek Qurmanálıev bar.
Jaqaev pen Ábdirahmanovtyń ekeýi de 17 jylǵa bas bostandyǵynan aıyryldy. Al Qurmanálıev 16 jylǵa sottaldy. Almaty oblysy boıynsha Kedendik komıtet departamentiniń burynǵy basshysy, polkovnık Qurmanbek Artyqbaev 14 jylǵa sottaldy. Olardyń bári áskerı ataqtarynan aıyryldy. Buǵan qosa sot Qazaqstan Prezıdentine olardy memlekettik marapattarynan aıyrý týraly usynys jasady.
«Qorǵas» keden beketiniń burynǵy basshysy, keden qyzmetiniń podpolkovnıgi Baqytjan bes jarym jylyn temir tordyń ar jaǵynda ótkizetin boldy. Al Aıdarovqa elden ketpeý jaıly aldyn kesý sharasy qoldanylǵan. Alaıda ol tutqyndaýǵa ózgertildi. Onyń qolyna kisen sot zalynda salyndy. «Qaljat» keden beketiniń burynǵy basshysy Mındýlla Úmbetqalıev 9 jylǵa sottaldy. «Alataý-TsTO» keden beketiniń burynǵy basshysy Mıhaıl Voıtovıch 8 jylǵa bas bostandyǵynan aıyryldy.
