QR Áskerı qyzmetshileri arnaıy oqý-jattyǵýlarda tótenshe jaǵdaılar kezinde qurylystyń jarylýy men joıylýyn pysyqtaıdy

ASTANA. QazAqparat - 2016 jyldyń 18 sáýirinde Qazaqstannyń Qarýly Kúshterinde «Járdem-2016» arnaıy oqý-jattyǵýy bastaý aldy. Oǵan 100-den astam áskerı qyzmetshi, sondaı-aq 10-nan asa áskerı qoparýshy maman qatysady.

Sondaı-aq oqý-jattyǵýǵa 30 birlikten asa arnaıy tehnıka, ıaǵnı, býldozerler, tıegishter jáne ekskavatorlar tartyldy, dep habarlady QR Qorǵanys mınıstrliginiń baspasóz qyzmeti.

«Atalmysh oqý-jattyǵýdyń Qazaqstannyń Qarýly Kúshterindegi baǵyty erekshe ekenin aıta ketken jón. Onyń barysynda nıetke sáıkes áskerı qyzmetshiler tótenshe jaǵdaılar kezindegi apattyń saldaryn aldyn alady. Bul oqý-jattyǵýdy ótkizýdiń ózektiligi Saryshaǵan polıgonynyń jáne osy polıgonnyń ákimshilik ortalyǵy, jabyq Prıozersk qalasynyń aýdanynda uzaq ýaqyt boıy paıdalanbaǵan ǵımarattar men qurylystardyń ornalasýymen negizdelgen. Olar qıraǵan, jóndeýge jáne ári qaraı paıdalanýǵa jatpaıdy. Aýmaqtaǵy qabyrǵasy qaýsaǵan apatty qurylystardyń sany 60-tan asyp jyǵylady. Ǵımarattar bólshektelýge jáne kádege jaratylýǵa jatady», - dep túsindirdi vedomstvonyń baspasóz qyzmetinde.

Olardy buzyp qulatý jerdi qalpyna keltirýge múmkindik beredi. Nátıjesinde ekologııalyq jaǵdaıǵa, sondaı-aq osy eldi meken turǵyndarynyń qaýipsizdigine oń áser etedi. Sonymen birge, qurylystardyń buzylýynyń arqasynda jergilikti ınfraqurylymdy damytýǵa múmkindik týady.