QR ashyq chempıonaty: Bes eldiń dzıýdoshylary Óskemende baq synaıdy
ASTANA. QazAqparat - 4 mamyr kúni Óskemen qalasynyń «Jekpe-jek» sport saraıynda dzıýdodan T.Aqtaevty eske alýǵa arnalǵan Qazaqstan Respýblıkasynyń ashyq chempıonaty bastalady, dep habarlaıdy QazAqparat tilshisi.
QR Dzıýdo federatsııasynyń baspasóz qyzmeti málim etkendeı, 5 mamyrǵa deıin jalǵasatyn dodaǵa 23 jasqa deıingi áıel jáne er balýandar qatysa alady.
Atalǵan birinshilikke Qazaqstannyń 14 oblysy, Astana jáne Almaty qalasynan jınalǵan tatamı sheberlerinen bólek, Qyrǵyzstan, Ózbekstan, Tájikstan, Reseı memleketterinen kelgen balýandar 7 salmaq dárejesi boıynsha ózara myqtyny anyqtaıdy.
Jarystyń alǵashqy kúni áıelder 48, 52 jáne 57 keli salmaqta myqtylardy anyqtasa, erler 60, 66 jáne 73 keli salmaqta synǵa túsedi.
Al 5 mamyr kúni áıelder arasynda 63, 70, -78 jáne +78 keli salmaqtaǵy myqtylardy anyqtasa, erler 81, 90, -100 jáne 100 keliden joǵary salmaqtaǵy balýandar arasyndaǵy úzdikterdi anyqtaıtyn bolady.
