QR AShM: Jylyjaılarǵa beriletin sýbsıdııa kólemin ulǵaıtý máselesi qaralyp jatyr
Mınıstr Erbol Qarashókeev vedomstvonyń keńeıtilgen alqa májilisinen keıin BAQ ókilderine osyndaı málimet berdi, dep habarlaıdy QazAqparat tilshisi.
«Biz ózge mınıstrlikterdegi áriptesterimizden jylyjaı qojalyqtaryn kómirmen qamtamasyz etýdi suraǵanbyz. Osy qojalyqtarǵa kóterme baǵamen kómir jetkizýshilerge arnaıy mártebe berý usynylyp otyr. Muny biz byltyr qyrkúıek, qarasha aılarynan beri aıtyp kelemiz. ıAǵnı, bul jetkizýshiler kómirdi naryqtyń aıla-sharǵylarynsyz, tómen baǵamen satyp alýy kerek», - dedi vedomstvo basshysy.
Sondaı-aq, ol kúnniń sýyqtyǵynan shyǵyn kórip jatqan ońtústiktegi jylyjaılardyń jaıyna toqtaldy.
«Birqatar jylyjaı qojalyqtary kúnniń kúrt sýyǵanyna baılanysty shyǵyn shegip jatyr – ónimi úsip qalǵan. Óıtkeni jylyjaılaryn ýaqtyly jylyta almaǵan. Bul máseleni jergilikti atqarýshy organdarmen pysyqtaımyz. Shyǵyn shekken jylyjaılardyń ári qaraı jumysyn jalǵap ketýi úshin qandaı kómek kórsetetinimizdi ákimdiktermen pysyqtaý kerek.
Sýbsıdııalaý máselesinde qosymsha qaraý kerek. Jylyjaılarǵa tólenetin sýbsıdııalardyń kólemin arttyrýdyń múmkindigin qaraımyz. Gaz tarıfiniń máselesi de bar. Óz usynystarymyzdy Úkimetke engizdik», - dedi mınıstr.
