QR AShM jaýapty hatshysy senatorlardyń synymen kelispeıdi
«Mınıstrlikte kásibı emes mamandar jumys isteıdi degen pikirmen kelispeımin. Ony biz osy saladaǵy naqty kórsetkishtermen dáleldep kelemiz», - dedi jaýapty hatshy.
Esterińizge sala keteıik, ótken aptada senatorlar Aýyl sharýashylyǵy mınıstrligin syn tezine alǵan bolatyn. Senator Svetlana Jalmaǵambetovanyń sózine qaraǵanda, sharýalardyń máselesi tıisti deńgeıde sheshilmeıdi jáne olardyń ýájderi vedomstvoǵa jete bermeıdi. Sonymen qatar ol salada qordalanǵan máseleler shash-etekten ekenin atap ótti. Osy oraıda senator jańa Premer-Mınıstrge máseleni salmaqty túrde baqylaýǵa alý kerek ekenin jetkizdi. Agrobıznes baǵdarlamasyna jumsalatyn qarjyny qadaǵalaýǵa alyp, Elbasynyń et eksportyna qatysty tapsyrmasyn oryndaýǵa mán berý kerektigin qadap aıtty.