QR AShM Veterınarııalyq baqylaý jáne qadaǵalaý komıtetiniń jańa tóraǵasy taǵaıyndaldy

ASTANA. QazAqparat - QR Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıtetiniń tóraǵasy bolyp Saqtash Hasenov taǵaıyndaldy. Bul týraly QR AShM baspasóz qyzmetinen habarlady.

Buryn ol QR AShM agroónerkásiptik keshenindegi memlekettik ınspektsııa Komıtetin basqardy.

Saqtash Satybaldyuly Hasenov Qostanaı oblysy Qaraqalpaq aýylynda 1960 jyldyń 12 qańtarda dúnıege kelgen. 1982 jyly «Agronomııa» mamandyǵy boıynsha Lenıngrad aýyl sharýashylyǵy ınstıtýtin támamdaǵan.

Eńbek qyzmetin 1982 jyly Pskov oblysy «Qaramysh» sovhozynyń bas agronom retinde bastaǵan. 1997-2000 jyldary Qostanaı oblysynyń «30 let Tselıny» atyndaǵy sovhoz dırektory, QR AShM Qostanaı oblystyq aýmaqtyq basqarmasynyń bastyǵy, 2000-2005 jyldary QR Aýyl sharýashylyǵy mınıstrliginiń qurylymdyq bólimshelerinde jumys jasaǵan. 2005-2006 jáne 2010-2011 jyldary QR aýyl sharýashylyǵy vıtse-mınıstri.

Aýyl sharýashylyǵy ǵylym kandıdaty. «Qurmet» ordenniń ıegeri.