QR AShM sút óndirisin 1,7 mln. tonnaǵa arttyrýdy kózdep otyr

ASTANA. 13 tamyz. QazAqparat - 2020 jylǵa qaraı sút óndirisin 1,7 mln. tonnaǵa arttyrý josparlanýda. Bul týraly búgin Úkimet otyrysynda QR Aýyl sharýashylyǵy mınıstri Asyljan Mamytbekov málim etti.

Osy oraıda mınıstr Qazaqstanda 2014-2020 jyldarǵa arnalǵan sútti mal sharýashylyǵyn damytý boıynsha sheberlik jospary bekitilgenin aıtyp ótti. «Sheberlik jospardyń maqsaty - respýblıkada sút óndirisiniń kólemin 2020 jylǵa qaraı 1,7 mln. tonnaǵa arttyrýǵa negizdelgen. Bul óz kezeginde sút ımportyn aıtarlyqtaı tómendetýge, sondaı-aq elimiz halqynyń turaqty ósýin eskere otyryp, jan basyna shaqqandaǵy tutyný normasyn arttyrýǵa múmkindik beredi», - dedi A. Mamytbekov.

Mınıstrliktiń málimetine qaraǵanda, 2011 jyly sút jáne sút ónimderiniń ımporty 908 myń tonnany quraǵan, al 2012 jyly bul kórsetkish 903 myń tonna boldy nemese elimiz boıynsha jalpy tutyný deńgeıiniń 21 paıyzy.