QR AShM Shmallenberg vırýsyn KO elderi úshin qaýipti aýrýlar tizimine engizý bastamasyn kóterdi
Bul týraly www.primeminister.kz saıtynda málim etildi.
«Ózderińiz de bilesizder, avstrııalyq mal jetkizýshilerden zardap shekken bir ǵana Qazaqstan emes. Reseı Federatsııasyna da on kún aıyrmashylyqpen Shmallenberg aýrýyn juqtyrǵan mal partııasy kelip tústi. Biz Máskeýde Halyqaralyq epızootııalyq bıýrosyna (HEB) osyndaı ınfektsııalardy aýrýlar tizimine engizýge birlesken ótinimdi daıyndadyq. Kedendik odaq elderi úshin qaýipti jáne ekzotıkalyq retinde mundaı aýrýlardy HEB aýrýlar tizimine engizý qajetiligi bar», - deıdi vedomstvonyń vıtse-mınıstri Gýlmıra Isaeva.
Esterińizge sala keteıik, 2012 jyldyń qyrkúıeginde Soltústik Qazaqstan oblysynyń «Leonov» sharýa qojalyǵy men «Poltavskoe» JShS-ne Avstrııadan 722 iri qara mal basy ákelingen bolatyn. Karantındik is-sharalar ótkizý barysynda «Respýblıkalyq veterınarlyq zerthana» RMM jáne «Veterınarııa boıynsha ulttyq referenttik ortalyq» MM vırýstyq dıareıa men Shmallenberg aýrýynyń qozdyrǵyshyn anyqtady. Anyqtalǵan dıagnozǵa baılanysty Avstrııadan ákelingen mal basyn alynǵan tólimen qosa túgel joıý týraly sheshim qabyldanǵan bolatyn.
G.Isaevanyń aıtýynsha, aýrýdyń paıda bolý sebepteri jáne onyń adam densaýlyǵyna áseri aıaǵyna deıin zerttelmegen.
